Элем Германавіч Клімаў
Элем Германавіч Клімаў (руск.: Эле́м Ге́рманович Кли́мов; 9 ліпеня 1933, Сталінград, РСФСР, СССР — 26 кастрычніка 2003, Масква, Расійская Федэрацыя) — савецкі кінарэжысёр, сцэнарыст. Народны артыст Расійскай Федэрацыі (1997). У 1986—1988 гадах — старшыня СК СССР. Член КПСС з 1962 года.
| Элем Клімаў | |
|---|---|
| Імя пры нараджэнні | Элем Германавіч Клімаў |
| Дата нараджэння | 9 ліпеня 1933[1] |
| Месца нараджэння | |
| Дата смерці | 26 кастрычніка 2003[2][1] (70 гадоў) |
| Месца смерці | |
| Месца пахавання | |
| Грамадзянства |
 СССР  Расія |
| Жонка | Ларыса Шапіцька[d] |
| Адукацыя | |
| Прафесія | кінарэжысёр, сцэнарыст, рэжысёр |
| Кар’ера | 1959 — 1989 |
| Узнагароды |
 |
| IMDb | ID 0459552 |
Біяграфія правіць
Нарадзіўся 9 ліпеня 1933 года ў Сталінградзе (цяпер Валгаград). Пасля заканчэння ў 1957 годзе Маскоўскага авіяцыйнага інстытута працаваў інжынерам-канструктарам на адным з маскоўскіх заводаў, а таксама супрацоўнічаў у Маладзёжнай рэдакцыі Усесаюзнага радыё і Цэнтральнага тэлебачання і ў Маскоўскай філармоніі.
У 1964 годзе скончыў рэжысёрскі факультэт УДІКа (майстэрня Е. Л. Дзігана) і пачаў працаваць на кінастудыі «Масфільм».
Першым поўнаметражным фільмам Клімава была камедыя «Сардэчна запрашаем, ці Староннім уваход забаронены» (1964), якая мела вялікі поспех у краіне. Аднак наступны фільм рэжысёра «Прыгоды зубнога ўрача» (1965) выйшаў у 1967 г. у абмежаваным пракаце (78 копій) і быў «пакладзены на паліцу». Паўторны выпуск адбыўся толькі ў 1987 годзе. Пазней Клімаў казаў, што і сам не быў задаволены гэтым фільмам.
Таксама Клімаў завяршыў (разам з Г. Лаўровым і М. Хуцыевым) няскончаны фільм М. Рома «І ўсё-такі я веру».
У 1965 годзе ажаніўся з Ларысай Шапіцька.
У канцы 1980-х гадоў меў намер экранізаваць раман М.Булгакава «Майстар і Маргарыта», для якога сумесна з братам Германам напісаў сцэнарый — аднак гэтая задума так і засталася нерэалізаваная.
Памёр 26 кастрычніка 2003 года ад інсульту. Пахаваны ў Маскве на Траекураўскіх могілках.
Узнагароды правіць
- Залаты медаль, Прэмія за рэжысуру, Дыплом СК СССР на ВКФ спартыўных фільмаў (за фільм «Спорт, спорт, спорт», 1970).
- Заслужаны дзеяч мастацтваў РСФСР (1976)
- Народны артыст Расійскай Федэрацыі (1997)
- Прыз FIPRESCI МКФ у Венецыі (за фільм «Агонія», 1982).
- Залаты прыз МКФ у Маскве (за фільм «Ідзі і глядзі», 1985).
- Лаўрэат ВКФ у намінацыі «Галоўны спецыяльны прыз кінафестывалю» (1986).
- Ганаровы член Брытанскага кінаінстытут (з 1987 года).
Зноскі
- ↑ а б Elem Klimow // Munzinger Personen Праверана 9 кастрычніка 2017.
- ↑ Elem Germanowitsch Klimow // Brockhaus Enzyklopädie Праверана 9 кастрычніка 2017.
- ↑ Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.
Літаратура правіць
- Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8). — С.341
Спасылкі правіць
- Відэапартрэт Элема Клімава на сайце www.newstube.ru(недаступная спасылка)
- Элем Клімаў на сайце «Internet Movie Database» (англ.)
- Элем Клімаў Архівавана 29 лістапада 2010. у «Энцыклапедыі айчыннага кіно»