Эміль Ганьян

Эміль Ганьян (фр.: Émile Gagnan; 11 снежня 1900—27 красавіка 1984) — французскі і канадскі інжынер. У 1943 годзе разам з капітанам Кусто вынайшаў рэгулятар ціску, які выкарыстоўваецца ў лёгкавадалазным абсталяванні (першае выкарыстанне — падчас Вайны на самаробным дыхальным апараце, далей вытворчасць была наладжана на фірме «Аква-ланг»).

Эміль Ганьян
фр.: Émile Gagnan
Дата нараджэння	11 снежня 1900(1900-12-11)
Месца нараджэння	Saint-Jean-de-Losne[d], canton of Saint-Jean-de-Losne[d], arrondissement of Beaune[d], дэпартамент Кот-д’Ор, рэгіён Бургундыя, Метраполія Францыі, Францыя
Дата смерці	27 красавіка 1984(1984-04-27) (83 гады)
Месца смерці	XV акруга Парыжа, Парыж, рэгіён Іль-дэ-Франс, Метраполія Францыі, Францыя
Грамадзянства	Францыя  Канада
Род дзейнасці	інжынер
Узнагароды	Нацыянальная Зала славы вынаходнікаў[d] (2010)
Медыяфайлы на Вікісховішчы

Біяграфія

Нарадзіўся ў Бургундыі (Францыя). У пачатку 1920-х гадоў скончыў тэхнічную школу. Быў наняты ў якасці інжынера па пнеўматычных устаноўках высокага ціску фірмай «Air Liquide».

Падчас акупацыі Францыі займаўся працамі па стварэнні клапана-рэгулятара для сілкавання аўтамабільных рухавікоў вадародам (бензін тады быў вельмі дарагі, і яго спрабавалі масава замяніць вадародам). Выпадкова пазнаёміўся з Кусто, які спрабаваў стварыць аўтаматычны рэгулятар падачы паветра для вадалазнага рыштунку. Аб’яднаўшы свае напрацоўкі, Кусто і Ганьян у 1943 годзе стварылі лёгкавадалазны дыхальны апарат, які актыўна выпрабоўваўся ў ваколіцах Тулузы на працягу 1943—1945 гг. таемна ад італьянскіх акупацыйных улад. Апарат быў названы Scaphandre Autonome і аквалангам, пасля ў Францыі была заснавана фірма па вытворчасці аквалангаў, названая «Aqualung», якая выпусціла першы апарат у 1946 годзе. Насуперак ходкай памылцы, менавіта фірму назвалі ад назвы дыхальнага апарата, а не наадварот, само слова «акваланг» было прыдумана ў 1943 годзе. Праз год Эміль Ганьян з сям’ёй эміграваў у Манрэаль (Канада), дзе паступіў на працу ў кампанію Canadian Liquid Air Ltd. Там ён заснаваў лабараторыю і працягнуў займацца распрацоўкай абсталявання для падводнага плавання. Ён вынайшаў шмат сучасных тэхналогій для падводнага плавання.