Ян Жалезны

Ян Жалезны (чэшск.: Jan Železný; 16 чэрвеня 1966, Млада Болеслаў, Чэхаславакія) — чэхаславацкі і чэшскі кідальнік дзіды, трохразовы алімпійскі чэмпіён і трохразовы чэмпіён свету. 25 мая 1996 года ў Ене ўсталяваў сусветны рэкорд, які да гэтага часу застаецца непераўзыдзенным (98 м 48 см).

Ян Жалезны
Агульная інфармацыя
Пол	мужчынскі пол
Спецыялізацыя	лёгкая атлетыка
Нарадзіўся	16 чэрвеня 1966(1966-06-16)[…] (57 гадоў) Млада Болеслаў, раён Млада Болеслаў[d], Сярэднячэшскі край, Чэхаславакія[…]
Грамадзянства	Чэхія  Чэхаславакія
Рост	186 см
Вага	88 кг
Медыяфайлы на Вікісховішчы

Выйграў Алімпійскія гульні 1992, 1996 і 2000 гадоў, заняў другое месца на Алімпіядзе 1988 года. Выйграў «золата» на чэмпіянатах свету 1993, 1995 і 2001 гадоў і «бронзу» ў 1987 і 1999 гадах. З-за доўгага і вельмі паспяховага выступлення лічыцца найлепшым дзідакідальнікам усіх часоў.

Акрамя сусветнага (98,48 м), Жалезны належыць рэкорд чэмпіянатаў свету (92,80 м). Ад другога выніку (93,09 м фіна Акі Парвіайнена) яго рэкорд свету пераўзыходзіў больш чым на 5 метраў. Ян Жалезны здзейсніў 53 кідка за 90 метраў, што на 23 верасня 2007 года больш за 40 такіх кідкоў ўсіх астатніх дзідакідальнікаў разам узятых. Прызнаваўся лёгкаатлетам года ў свеце (2000) і Еўропе (1996, 2000), найлепшым спартсменам Чэхіі (1993, 1995, 2000, 2001).

Ян Жалезны завяршыў сваю кар’еру ў 2006 годзе ў родным Млада Болеславе. З 2006 года на трэнерскай працы.

У гонар Яна названы астэроід (9224) Жалезны.