100 найвялікшых фільмаў XXI стагоддзя па версіі BBC
100 найвялікшых фільмаў XXI стагоддзя па версіі BBC (англ.: The 100 Greatest Films of the 21st Century) — гэта спіс, складзены ў жніўні 2016 года Брытанскай тэлерадыёвяшчальнай карпарацыяй (BBC)[1]. Ён быў складзены на падставе меркавання 177 крытыкаў з усяго свету, кожнага з якіх папрасілі назваць дзесяць найлепшых фільмаў, выпушчаных пасля 2000 года ўключна[2].
Адметнасці спісу правіць
«BBC Culture» папрасілі 177 кінакрытыкаў з усяго свету скласці рэйтынг з дзесяці фільмаў, знятых у XXI стагоддзі, якія яны лічаць найвялікшымі. Удзельнікам было дазволена выбіраць з карцін, выпушчаных са студзеня 2000 года па чэрвень 2016 года (калі былі сабраны ўсе адказы). Затым кожнаму фільму, пералічанаму ў адказах, налічваліся балы ў залежнасці ад іх месца. Калі фільм займаў першае месца ў спісе крытыка, ён атрымліваў дзесяць балаў, а фільм, які займаў дзясятае месца, атрымліваў адзін бал.
177 крытыкаў, якія прынялі ўдзел у апытанні, паходзілі з 36 краін, прычым найбольшая колькасць (81) была са Злучаных Штатаў Амерыкі, за імі ішла Вялікабрытанія. Сярод крытыкаў былі 122 мужчыны і 55 жанчын. Большасць удзельнікаў галасавання — рэцэнзенты газет і часопісаў, інтэрнэт-рэцэнзенты і навукоўцы[3].
У выніковы спіс трапілі 102 карціны з-за нічыёй паміж «Карласам», «Рэквіемам па мары» і «Тоні Эрдманам» на сотым месцы[4][5].
Лідарамі сярод рэжысёраў у выніковым спісе сталі Апічатпонг Вірасетакул, Крыстафер Нолан, Уэс Андэрсан, Пол Томас Андэрсан, Міхаэль Ханэке і браты Коэн — яны маюць па тры фільмы ў спісе. Найлепшым анімацыйным фільмам у спісе сталі «Скрадзеныя прывідамі» Хаяо Міядзакі — фільм атрымаў 4-е месца ў спісе. Найлепшым неангламоўным фільмам спісу стаў «Любоўны настрой» — фільм заняў 2-е месца ў спісе. Найлепшым фільмам з удзелам брытанскай вытворчасці стала карціна «Дзіця чалавечае», заняўшы 13-е месца. Толькі чатыры фільмы са спісу былі лаўрэатамі прэміі «Оскар» за найлепшы фільм: «Старым тут не месца» (2008), «Уладар буры» (2010), «12 гадоў рабства» (2014) і «У цэнтры ўвагі» (2016).
Спіс правіць
.svg){kind=small}
.svg){kind=small}
Крыніцы правіць
- ↑ Chris Cabin. BBC Releases Its List of the 100 Best Movies of the 21st Century (англ.). Сайт «Collider» (23 жніўня 2016). Праверана 16 лютага 2023.
- ↑ Richard Lawson. Are These the 100 Best Movies of the 21st Century? (англ.). Сайт «Vanity Fair» (23 жніўня 2016). Праверана 16 лютага 2023.
- ↑ Vikram Murthi. The 100 Greatest Films of the 21st Century: BBC Polls Critics From Around The Globe (англ.). Сайт «IndieWire» (23 жніўня 2016). Праверана 16 лютага 2023.
- ↑ The 21st Century’s 100 greatest films (англ.). Сайт «BBC». Праверана 16 лютага 2023.
- ↑ The 21st Century’s 100 greatest films: Who voted? (англ.). Сайт «BBC». Праверана 16 лютага 2023.