1942 год у гісторыі беларускага выяўленчага мастацтва

1942 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Падзеі

• Люты — I-я выстаўка беларускіх мастакоў, якія апынуліся ў акупаваным Мінску. У зале Беларускага народнага дому на вул. Рагнеды (Рэвалюцыйная), 2 экспанаваліся 124 работы, у большасці створаныя да ліпеня 1941 г. Удзел прымалі 17 мастакоў: Г. Бржазоўскі, М. Дучыц, Б. Казлоўскі, М. Станюта, А. Тычына, Я. Ціхановіч і інш .
• Жнівень — I-я мастацкая выстаўка ў Баранавічах. Прымалі ўдзел мастакі–прафесіяналы К. Максімцаў, Я. Раздзялоўская, М. Сеўрук, К. Хруцкая і інш., а таксама мясцовыя майстры народнай творчасці.
• Кастрычнік — II-я выстаўка беларускіх мастакоў у акупаваным Мінску ў будынку Тэатра оперы і балета. Экспанаваліся 292 творы 35 аўтараў: В. Волкава і А. Волкава , Г. Віера, М. Дучыца, А. Каржанеўскага, М. Сеўрука і інш.

Нарадзіліся

• 6 студзеня — Мікалай Кірэеў, беларускі мастак і педагог
• 12 лютага — Генадзь Буралкін (пам. 2024), беларускі скульптар
• 28 сакавіка — Леў Талбузін, беларускі дызайнер, скульптар
• 11 красавіка — Пётр Шарыпа (пам. 2013), беларускі жывапісец, педагог
• 1 мая — Міхаіл Басалыга, беларускі савецкі графік
• 20 ліпеня — Сяргей Давідовіч-Зосін, беларускі паэт і мастак-жывапісец

Памерлі

• Абрам Бразер (нар. 1892), беларускі савецкі скульптар, графік і жывапісец. Заслужаны дзеяч мастацтваў Беларусі (1940)
• Абрам Маневіч (нар. 1881), беларускі і амерыканскі мастак
• Аляксандр Арлоў (нар. 1908), беларускі скульптар

Галерэя твораў

• 
  Павел Гуткоўскі «Набярэжная ракі Свіслач»

Галерэя фота

• 
  Магілёў. Прывакзальная плошча. Май, 1942.