277-ы партызанскі полк
277-ы партызанскі полк — савецкае партызанскае падраздзяленне, створанае ў верасні 1943 года на базе 277-га атрада[1]. Дзейнічаў на акупіраванай тэрыторыі Кіраўскага, Клічаўскага, Магілёўскага, Бярэзінскага, Шклоўскага, Быхаўскага і Крупскага раёнаў. 28 чэрвеня 1944 года полк (1257 партызан, 3 батальёны) злучыўся з Чырвонай Арміяй.
| 277-ы партызанскі полк | |
|---|---|
| Гады існавання | 1943—1944 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | Магілёўскае партызанскае злучэнне |
| Тып | савецкія партызаны |
| Функцыя | змаганне з Нямецкай акупацыйнай адміністрацыяй |
| Колькасць | 1257 партызан (28.6.1944) |
| Дыслакацыя | Кіраўскі, Клічаўскі, Магілёўскі, Бярэзінскі, Шклоўскі, Быхаўскі, Крупскі раёны |
| Войны |
Другая сусветная вайна Вялікая Айчынная вайна |
| Камандзіры | |
| Вядомыя камандзіры |
|
Камандаванне правіць
Камандзіры правіць
- І. З. Ізох;
- М. П. Коканцаў.
Камісары правіць
- І. М. Гершовіч;
- М. І. Кніга;
- А. М. Радзюк.
Начальнік штаба правіць
- С. Ц. Токараў.
Гісторыя правіць
Партызаны ў студзені — сакавіку 1942 года ўдзельнічалі ў ачышчэні Клічаўскага раёна ад акупантаў. 20 сакавіка 1942 — у разгроме гарнізона ў Клічаве. Вялі баі па абароне і расшырэнню партызанскай зоны, удзельнічалі ў разгроме апорных пунктаў у вёсках Развадава Клічаўскага, Казулічы, Пацава Слабада Кіраўскага, Пагост Бярэзінскага раёнаў. У чэрвені 1942, маі, жніўні, лістападзе, снежні 1943, лютым, маі 1944 гадоў вялі баі супраць карнікаў. Наносілі ўдары па камунікацыях ворага. У верасні 1942 каля чыгуначнай станцыі Крупкі захапілі і спалілі эшалон з гаручым, падарвалі чыгуначны мост цераз раку Нача. У жніўні 1943 года на ўчастках Магілёў — Дашкаўка, Быхаў — Рагачоў, у чэрвені 1944 на ўчастку Магілёў — Орша падарвалі каля 2000 рэек. У час наступлення Чырвонай Арміі ўтрымлівалі партызанскую зону.
Гл. таксама правіць
Зноскі
- ↑ 5 ліпеня 1941 года ў Клічаўскім раёне пачала дзейнічаць пачала дзейнічаць падпольнай група камуністаў, пакінутая па заданню ЦК КП(б)Б у нямецкім тыле. На яе базе ў ліпені 1941 года быў створаны Клічаўскі партызанскі атрад, які ў красавіку 1942 года ўвайшоў у Клічаўскі аператыўны цэнтр як 277-ы атрад
Літаратура правіць
- Партызанскі полк 277-і // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 478. — 680 с. — 20 000 экз. — ISBN 5-85700-012-2.