ALF TV Game

ALF TV Game (таксама вядомая як «Эльф») — беларуская гульнявая прыстаўка на аснове клона хатняга камп’ютара ZX Spectrum 48K. Распрацавана брэсцкім СКБ «Запад» і выраблялася заводам «Цветотрон» (Брэст) на пачатку 1990-х гадоў.

Тэхнічныя асаблівасці

Збудавана на БМК Т34ВГ1. АЗП на дзвюх рэдкіх мікрасхемах ЭКР565РУ11, якія маюць арганізацыю 65536×4, ПЗУ 27256 (КР573РФ8) альбо 27c010 (128 КБ) з убудаванымі гульнямі. Два раздымы для падлучэння джойстыкаў, выхад RGB, ВЧ-мадулятар.

Блок сілкавання вонкавы, выдае нестабілізаване сталае напружанне каля 14 В. Патрэбныя для сілкавання прыстаўкі напружанні 5В і 12В атрымліваюцца ужываннем стабілізатараў унутры самой прыстаўкі.

Джойстык прамавугольны, с крыжавінай і дзвюма кнопкамі, нагадвае джойстыик ад «NES».

ПЗП прыстаўкі змяшчае ў адной старонцы меню, у другой старонцы — звычайны Sinclair BASIC.

Пры запуску приыстаўка выводзіць на экран спіс гульняў, запісаных у картрыджы. Без картрыджу выводзіць пусты спіс.

Картрыджы ўяўляюць сабой плату з мікрасхемамі ПЗП і дэшыфратарам старонак (зварот да картрыджа ідзе праз старонкі памерам 16К). Аб'ём ПЗП у розных картрыджах розны — 128К, 256К.

Гульні

Гульні ўзятыя з арыгінальнага ZX Spectrum, русіфікаваны і перапрацаваны (дадано апісанне, зменена меню, кіраванне).

Убудаваныя

Пры наяўнасці на самой прыстаўцы ПЗП аб'ёмам 128 КБ, у яго змяшчалася тры гульні:

• «Верталёт» (Airwolf II)
• «Ратаўнік» (Tujad)
• «Гонкі» (Enduro)

Картрыдж «Эльф-1»

• «Більярд» (Video Pool)
• «Буран» (Jetpac)
• «Повар» (Cookie)
• «Зоркалёт» (Zynaps)
• «Тэніс» (Batty)
• «Лансэлот» (Sir Lancelot)
• «Лабірынт» (Pentagram)
• «Сігма» (Sigma 7)
• «Палісмэн» (Jail Break)
• Тэст экрану

Картрыдж «Эльф-2»

• «Агент Х2» (Agent X II)
• «Андроід» (Alien 8)
• «Каменяпад» (Boulder Dash)
• «Чыжык-Пыжык» (Nifty Lifty)

Картрыдж «Эльф-3»

• «Мотараллі» (Enduro Racer)
• «Коля сапёр» (Bomb Jack)
• «Робін у лесе» (Robin of the Wood)
• «Кіберноід» (Cybernoid II: The Revenge)
• «Гульня на лёдзе» (Xeno)
• «Барбарыан» (Barbarian)

Спасылкі

• Приставка «Эльф» на zxbyte.ru — схемы прыстаўкі і картрыджаў да яе, прашыўкі ПЗП прыстаўкі і картрыджаў, фотаграфіі, скрыншоты гульняў.
• ALF TV Game Архівавана 4 жніўня 2017. на SpeccyWiki
• Эмулятор Emu на сайте «Башкирия-2М» — Тут можна сцягнуць эмулятар прыстаўкі (звярніце увагу, што дадаткі для эмуляцыі «Эльфа» трэба цягнуць асобна ад самога эмулятара).