AR-10
Вінтоўка AR-10 была распрацаваная Юджынам Стонэрам (Eugene Stoner), працаваўшым у кампаніі Armalite — падпадзяленні амерыканскай карпарацыі Fairchild Engine and Airplane Corp, да 1955 года. Вінтоўка прызначалася для ўдзелу ў конкурсе на новую вінтоўку калібра 7.62мм для Войска ЗША, на замену састарэлым вінтоўкам М1 Garand. Нажаль для фірмы Armalite вінтоўка AR-10 спазнілася да пачатку конкурсу, ды і канструкцыя яе была занадта перадавой для вельмі кансерватыўна наладжаных амерыканскіх вайскоўцаў таго часу. У любым выпадку, у 1957 годзе амерыканцы прынялі на ўзбраенне 7.62мм аўтаматычную вінтоўку М14, а AR-10 была даведзеная да вытворчасці толькі да пачатку 1960х. У ЗША выпуск гэтай вінтоўкі быў мінімальны, бо фірма Armalite пераключылася на распрацоўку малакалібернай аўтаматычнай вінтоўкі для Войска ЗША на базе AR-10. Ліцэнзія на вытворчасць AR-10 была прададзеная галандскаму арсеналу Artillerie Inrichtingen. Агульная колькасць вырабленых у пачатку 1960х гадоў вінтовак AR-10 ацэньваецца прыкладна ў 10 000 штук, частка з якіх закупілі Судан і Партугалія. Далей развіццё лініі AR-10 ішло толькі ў выглядзе яе малакалібернага нашчадка, серыі вінтовак M16/ AR-15, і на пару дзесяцігоддзяў аб існаванні AR-10 практычна забыліся.
| AR-10 | |
|---|---|
 AR-10T | |
| Апісанне | |
| Тып: | аўтаматычны карабін |
| Краіна: | ЗША |
| Гісторыя мадэлі | |
| Канструктар: | Юджын Стонэр |
| Усяго выраблена: | каля 10 000 адзінак |
| Выраблялася: | Armalite |
| Характарыстыкі | |
| Маса, кг: | 4,05 кг (без патронаў); 4,65 кг (з патронамі) |
| Даўжыня, мм: | 1050 |
| Даўжыня ствала, мм: | 521 |
| Калібр, мм: | 7,62 mm |
| Патроны: | 7,62 x 51 мм |
| Хуткастрэльнасць, стрэлаў/хв: | 700 стрэлаў/хв |
| Боезабеспячэнне: | магазін на 20 патронаў |
| Характарыстыкі пры выкарыстанні стандартнага патрона | |
| Пачатковая хуткасць кулі, м/с: | 820 м/с |
Аднак жа, рэарганізаваная кампанія Armalite амаль дваццаць гадоў вырашыла аднавіць выпуск вінтовак серыі AR-10, на гэты раз ужо для грамадзянскага і паліцыянтскага рынка. Новая вінтоўка ўяўляла сабой зваротны крок у развіцці сямейства — калі перш вінтоўка AR-15 была атрыманая шляхам памяншэння AR-10, то адроджаная AR-10 пад азначнікам AR-10B уяўляла сабой павялічаную AR-15, якая адпавядае па ўсіх параметрах вінтоўцы М16А2 (за выключэннем аўтаматычнага агню). "Арыгінальныя" AR-10 практычна не адрозніваецца ад AR-15 самых першых узораў. Асноўныя адрозненні — гэтае размяшчэнне дзяржальні зараджання над ствольнай скрынкай, а не ззаду яе, і плыўна рэгуляваны па далёкасці цалік прыцэла.
Тэхнічныя дадзенныя (AR-10) правіць
- Калібр: 7.62х51мм, .308 Winchester
- Даўжыня: 1016 мм
- Даўжыня ствала: 508 мм
- Вага: 4.31 кг
- Боезабеспячэнне: магазін на 20 патронов
- Хуткасць стральбы: 700 стрэлаў у хвіліну
Мадэлі правіць
- AR-10 — арыгінальная мадэль канца 1950-х гадоў
- AR-10А2- уяўляе сабой некалькі павялічаны самазарадны варыянт вінтоўкі М16А2 пад патрон 7.62х51мм з мінімальнымі зменамі.
- AR-10А4 — адрозніваецца тым, што замест дзяржальні пераноскі ў яго ўсталяваная накіроўвалая тыпу Picatinny для мацавання рознай оптыкі.
- AR-10B — уяўляла сабой павялічаную AR-15, якая адпавядае па ўсіх параметрах вінтоўцы М16А2 (за выключэннем аўтаматычнага агню).
- AR-10 Т — "мэтавая" (або снайперская) вінтоўка, ствольная скрынка па тыпе AR-10А4, ствал палепшанай якасці выраба, і палепшаны ударна-спускавым механізмам.