Ericsson
Ericsson (Telefonaktiebolaget LM Ericsson) — шведская транснацыянальная кампанія з штаб-кватэрай у Стакгольме, вытворца сеткавага і тэлекамунікацыйнага абсталявання. Кампанія прадае абсталяванне, праграмнае забеспячэнне і паслугі ў галіне інфармацыйна-камунікацыйных тэхналогій, у тым ліку абсталяванне 3G, 4G і 5G, а таксама IP і аптычныя сістэмы. Кампанія налічвае каля 100 000 супрацоўнікаў і працуе ў больш чым 180 краінах[5]. Ericsson мае больш за 57 000 выдадзеных патэнтаў[6].
| Ericsson | |
|---|---|
.svg) | |
 | |
| Тып | aktiebolag[d] і публічная кампанія |
| Лістынг на біржы | NASDAQ[1] і Стакгольмская фондавая біржа |
| Заснаванне | 1876 |
| Заснавальнікі | Ларс Магнус Эрыксан[d] |
| Размяшчэнне | |
| Галіна | інфармацыйна-камунікацыйныя тэхналогіі[d] |
| Прадукцыя | сеткавае абсталяванне |
| Чысты прыбытак |
|
| Колькасць супрацоўнікаў |
|
| Даччыныя кампаніі | Marconi Corporation plc[d], Ericsson (Hungary)[d], Ericsson (Italy)[d], Ericsson (Netherlands)[d], Ericsson (Finland)[d], Ericsson Canada[d], Ericsson (Germany)[d], Ericsson Limited[d], Ericsson (Denmark)[d], Ericsson (Norway)[d], Kathrein Mobile Communications[d][3][4] і Setemer Società Elettro Telefonica Meridionale[d] |
| Сайт | ericsson.com (англ.) |
Кампанія Ericsson унесла вялікі ўклад у развіццё тэлекамунікацыйнай індустрыі і з’яўляецца адным з лідараў у галіне 5G[7].
Гісторыя правіць
.jpg)
Заснавана ў 1876 годзе Ларсам Магнусам Эрыксанам як майстэрня па рамонце тэлеграфнага абсталявання.
Ларс Магнус Эрыксан пачынаў кар’еру простым рабочым, у 15 гадоў паехаў у Нарвегію працаваць на шахце і вучыцца кавальскаму рамяству, праз паўтары года становіцца майстрам кавальскай справы. Праз шэсць гадоў вяртаецца ў Швецыю, уладкоўваецца ў Стакгольме. 1 красавіка 1876 года Эрыксан са сваім таварышам па ранейшай працы ў «Öllers & Co» Карлам Андэрсанам засноўвае электрамеханічную майстэрню «LM Ericsson & Са» (LME), якая займаецца рамонтам тэлефонных апаратаў і сігнальнага абсталявання. Неўзабаве з’яўляецца і ўласны апарат — настольны тэлефон з магнета і рупарам. Галоўным канкурэнтам былі тэлефонныя апараты амерыканскай кампаніі Bell. У 1881 годзе ствараецца шведская нацыянальная тэлефонная асацыяцыя «Telegrafverket», якая абвясціла конкурс на пастаўку абсталявання паміж «Bell Company» і майстэрняй «LME». Эрыксан, з больш якасным і танным абсталяваннем, перамагае. На працягу пяці наступных гадоў 64 з 93 гарадоў Швецыі былі тэлефанізаваны прадукцыяй «LME». Неўзабаве «Telegrafverket» адкрывае сваю ўласную вытворчасць, і ўзровень продажаў прадукцыі «Ericsson» рэзка падае. У кароткія тэрміны быў наладжаны экспарт тэлефоннага абсталявання ў Нарвегію, Данію, Фінляндыю, Аўстралію і Новую Зеландыю. Шанхай заказвае тэлефонную станцыю. Адкрываецца офіс у Нью-Ёрку і паступае заказ на тэлефанізацыю Мехіка.
Сёння правіць
У 2001 годзе Ericsson разам з японскай кампаніяй Sony на парытэтных пачатках выступіла заснавальнікам кампаніі па вытворчасці сотавых тэлефонаў Sony Ericsson.
У 2011 годзе кампанія Ericsson набыла кампанію Telcordia Technologies за $ 1,15 млрд, дзякуючы чаму пашырыла свой уплыў на рынку сеткавай аптымізацыі і сістэм бізнес-падтрымкі.
Гл. таксама правіць
Зноскі
- ↑ Ericsson // Polygon.io Праверана 21 лютага 2021.
- ↑ Ericsson // Prikklok van AaBe Wollenstoffenfabriek, Tilburg — 1950. Праверана 22 студзеня 2024.
- ↑ https://www.ericsson.com/en/press-releases/2019/10/ericsson-completes-acquisition-of-kathreins-antenna-and-filter-business
- ↑ https://www.kathrein.com/en/newsroom/press/archive/announcement/news/restructuring-of-kathrein-group-largely-completed
- ↑ Ericsson Annual Report 2020. Telefonaktiebolaget LM Ericsson. Праверана 10 студзеня 2023.
- ↑ Ericsson Annual Report 2020. Telefonaktiebolaget LM Ericsson. Праверана 10 студзеня 2023.
- ↑ Ericsson Nips Huawei, Nokia in Gartner's 5G Vendor Ranking (англ.). SDxCentral. SDxCentral, LLC (24 лютага 2021). Праверана 10 студзеня 2023.
- ↑ Presenting the (economic) value of patents nominated for the European Inventor Award 2012 (англ.). Technopolis Group (30 сакавіка 2012). Праверана 10 студзеня 2023.
Спасылкі правіць
- Афіцыйны сайт (англ.)
- Гісторыя кампаніі (англ.)