Joy Division

Joy Division — англійскі рок-гурт, створаны ў 1976 годзе ў горадзе Солфард, Манчэстэр. Першапачатковая назва: Warsaw. Склад гурта: Ен Кёртыс (вакал, гітара), Бэрнард Самнэр (гітара, клавішы), Пітэр Хук (бас-гітара, бэк-вакал), Стэфан Морыс (барабаны).

Joy Division
Джой Дывіжын
Асноўная інфармацыя
Жанры	пост-панк
Гады	1976—1980
Краіна	Вялікабрытанія
Горад	Солфард
Адкуль	Солфард
Мова песень	Англійская мова
Лэйблы	Factory Records[d]
Склад	Ен Кёртыс Бэрнард Самнэр Пітэр Хук Стэфан Морыс
joydivisionofficial.com (англ.)
Медыяфайлы на Вікісховішчы

Гурт хутка адышоў ад панк-року і пачаў распрацоўваць свой стыль і гук, які зрабіў Joy Division аднымі з піянераў пост-панк руху канца 1970-х гадоў. Іх першы міні-альбом «An Ideal for Living» (бел.: Ідэальна для жыцця) прыцягнуў увагу тэлебачання Манчэстэра. Першы альбом «Unknown Pleasures» (бел.: Невядомыя задавальненні) быў запісаны ў 1979 годзе і атрымаў добрыя водгукі брытанскіх музычных крытыкаў. Нягледзячы на ўзрастаючы поспех гурта, вакаліст Ен Кёртыс знаходзіўся ў дэпрэсіі ў сувязі з разводам і захворваннем эпілепсіяй. Кёртысу рабілася ўсё цяжэй выступаць на канцэртах, часта падчас выступаў пачыналіся сутаргі.

Напярэдадні першага амерыканскага турнэ гурта ў маі 1980 Кёртыс скончыў жыццё самагубствам. Пасмяротна выпушчаны другі альбом Joy Division «Closer» (бел.: Бліжэй), а сінгл «Love Will Tear Us Apart» (бел.: Каханне ірве нас на кавалкі) заняў самую высокую пазіцыю ў чартах з усіх песень гурта. Пасля смерці Кёртыса, астатнія члены заснавалі гурт «New Order», які дасягнуў камерцыйнага поспеху.

Дыскаграфія

Альбомы

• «Unknown Pleasures» (1979)
• «Closer» (1980)

Сінглы і EP

• «An Ideal for Living» (1978, Вялікабрытанія)
• «Transmission» (1979, Вялікабрытанія)
• «Licht und Blindheit» (1980, Францыя)
• «Komakino» (1980, Вялікабрытанія)
• «Love Will Tear Us Apart» (1980, Вялікабрытанія)
• «Atmosphere/She’s Lost Control» (1980, Вялікабрытанія / ЗША)
• «The First Peel Session» (1986, Вялікабрытанія)
• «The Second Peel Session» (1987, Вялікабрытанія)
• «Atmosphere» (1988, Вялікабрытанія)
• «Love Will Tear Us Apart» (1995, Вялікабрытанія)

Спасылкі

• Ian Curtis & Joy Division Fans Club Архівавана 1 ліпеня 2008. — біяграфіі, дыскаграфія, падрабязная інфармацыя. (англ.)
• Joy Division — The Eternal — біяграфіі, дыскаграфія. (англ.)