Бузульнік

Бузульнік (Ligularia) — род кветкавых раслін сямейства астравых. Больш за 150 відаў.

Бузульнік
Бузульнік сібірскі (Ligularia sibirica)typus
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Senecioneae Падтрыба:  Tussilaginineae Род:  Бузульнік
Міжнародная навуковая назва
Ligularia
Тыпавы від
Ligularia sibirica — Бузульнік сібірскі
Сістэматыка на Віківідах Выявы на Вікісховішчы ITIS   780110 NCBI   4239 EOL   2878793 GRIN   g:6823 IPNI   331719-2

Апісанне

Шматгадовыя травяністыя расліны вышынёй да 1 м з кароткім тонкім карэнішчам і прамастойным сцяблом. Лісце суцэльнае, зубчастае, чаргаванае, прыкаранёвае — на доўгіх чаранках. Кветкі жоўтыя, аранжавыя, у кошыках (адзіночных або сабраных у гронкі, мяцёлкі і шчыткі); краявыя кветкі язычковыя, песцікавыя, сярэдзінныя — трубчастыя, двухполыя. Плод — сямянка з чубком.

Арэал

Пашыраны ў пазатрапічных абласцях Еўропы і Азіі (пераважна ва Усходняй і Цэнтральнай Азіі). На Беларусі ў Цэнтральным батанічным садзе НАН РБ інтрадукаваны 4 віды: бузульнік Віча (Ligularia veitchiana), бузульнік зубчасты (Ligularia dentata), бузульнік Пржавальскага (Ligularia przewalskii) і бузульнік прыгожы (Ligularia speciosa).

Значэнне і выкарыстанне

Кветкава-дэкаратыўныя расліны.

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш. — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).