Ноэль Жазеф дэ Некер

Ноэль Мартэн Жазеф дэ Некер (фр.: Noël Martin Joseph de Necker, лац.: Natalis Martinus Joseph de Necker; 1730—1793) — нямецкі батанік і гістарыёграф французскага паходжання.

Ноэль Жазеф дэ Некер
фр.: Noël Joseph de Necker
Дата нараджэння	25 снежня 1730(1730-12-25)
Месца нараджэння	Ліль
Дата смерці	30 снежня 1793(1793-12-30) (63 гады)
Месца смерці	Мангейм
Грамадзянства	Францыя
Род дзейнасці	батанік, урач
Навуковая сфера	батаніка
Альма-матар	University of Douai[d]
Член у	Баварская акадэмія навук
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Neck.». Спіс такіх таксонаў на сайце IPNI Персанальная старонка на сайце IPNI Старонка на Віківідах

Біяграфія

Ноэль Жазеф дэ Некер нарадзіўся 25 снежня 1730 года (па іншых даных — у 1729 годзе) у горадзе Ліль у Францыі. Затым Некер пераехаў у Германію. Ён працаваў асабістым лекарам Курпфальца ў Мангейме. Ноэль дэ Некер сканаў 30 снежня 1793 года ў Мангейме.

У 1768 годзе была выдадзена двухтомная кніга дэ Некера Deliciae gallo-belgicae. У ёй упершыню выкарыстаны некаторыя далінееўскія назвы родаў раслін. Для відаў раслін прынята бінамінальная наменклатура. У адрозненне ад гэтай працы, у трох тамах Elementa botanica 1790 года прынятая іншая наменклатура. У ёй назвы таксонаў у рангу species naturalis лічацца краявіднымі, хоць складаюцца з аднаго слова. Паводле артыкула 20.4 МКБН, усе назвы, апублікаваныя ў гэтай працы, з'яўляюцца несапраўднымі (nomen invalidum).

Месцазнаходжанне гербарных узораў, выскарыстаных дэ Некерам для апісання новых відаў, не ўсталявана. Некалькі ўзораў мохаў, верагодна, знаходзяцца ў Батанічным садзе і музеі Берлін-Далем.

Некаторыя навуковыя працы

• Necker, N.J. de (1768). Deliciae gallo-belgicae. 2 vols., 568 p.
• Necker, N.J. de (1771). Methodus muscorum. 296 p.
• Necker, N.J. de (1774). Physiologia muscorum. 343 p.
• Necker, N.J. de (1783). Traité sur la mycitologie. 137 p.
• Necker, N.J. de (1790). Elementa botanica. 3 vol.
• Necker, N.J. de (1790). Corollarium. 31 p.
• Necker, N.J. de (1790). Phytozoologie philosophique. 78 p.

Роды, названыя ў гонар Н. Ж. дэ Некера

• Neckera Hedw., 1801, nom. cons.
• Neckeria J.F.Gmel., 1791, nom. rej. [syn. Pollichia Aiton, 1789, nom. cons.]
• Neckeria Scop., 1777, nom. rej. [syn. Corydalis DC., 1805, nom. cons.]

Літаратура

• Stafleu, F.A., Cowan, R.S. Taxonomic Literature. — Utrecht: Bohn, Scheltema & Holkema, 1981. — Vol. 3. — P. 701—704.