Svensk uppslagsbok

Svensk uppslagsbok («Шведская энцыклапедыя») — універсальная энцыклапедыя на шведскай мове, два выданні якой былі выдадзены ў перыяд з 1929 па 1955 год. Лічыцца адной з найлепшых шведскіх энцыклапедый.

Svensk uppslagsbok
Жанр	энцыклапедыя
Мова арыгінала	шведская мова

Першае выданне выпускалася ў перыяд з 1929 па 1937 год і складалася з 30 асноўных і аднаго дадатковага тома. Выданне было распачата фірмай Baltiska förlaget AB, але ў 1931 годзе правы былі перададзены асобнай фірме Svensk uppslagsbok AB. Выпуск тамоў энцыклапедыі ажыццяўляўся ў горадзе Мальмё. У прадмове, напісанай у лютым 1929 года, асобна адзначалася, што ключавым прынцыпам стварэння «Шведскай энцыклапедыі» з'яўляецца прыцягненне ў якасці аўтараў для напісання артыкулаў выключна буйных экспертаў у розных галінах ведаў; амаль усе яе артыкулы, нават невялікія, падпісаны. Выдаўцом былі выкуплены правы на пераклад артыкулаў з 7-га выдання нямецкага Энцыклапедычнага слоўніка Маера, аднак усе перакладныя артыкулы рэдагаваліся і дапаўняліся шведскімі навукоўцамі і былі падпісаны імі. У 1939 годзе першае выданне энцыклапедыі было перавыдана з мінімальнымі зменамі.

Другое выданне, цалкам перапрацаванае, выдавалася ў перыяд з 1947 па 1955 год і налічвала 32 тамы. Выданне ажыццяўлялася той жа фірмай, але перайменаванай у 1945 годзе ў Förlagshuset Norden AB. У снежні 2009 года другое выданне было алічбавана і выкладзена ў Інтэрнэт у свабодным доступе, аднак без каляровых ілюстрацый і без якой-небудзь карэкцыі тэксту.

Спасылкі

• Innehållsförteckning till Svensk uppslagsbok — тэкст усіх тамоў 2-га выдання энцыклапедыі (шведск.)