Таментгі́пнум бліскучы (Tomentypnum nitens) — від брыевых імхоў сямейства брахітэцыевых, адзіны прадстаўнік рода Tomenthypnum.
Таментгіпнум бліскучы |
|
Навуковая класіфікацыя |
---|
прамежныя рангі
Род: | Таментгіпнум (Tomenthypnum) |
Від: | Таментгіпнум бліскучы |
|
Міжнародная навуковая назва |
---|
Tomenthypnum nitens
|
|
Двухдомная лістасцябловая расліна. Дзярнінкі шчыльныя, карычнева-зялёныя, у сухім стане бліскучыя. Сцябло прамастойнае, даўжынёй 5—15 см, перыста-разгалінаванае, з вострымі верхавінкамі, з аднаго боку ржава-карычнявата-лямцавае. Лісце шорсткае, прамаадыходнае, прадаўгавата-ланцэтнае, доўга- і тонказавостранае, з доўгай жылкай. Спарагоны на кароткіх бакавых галінках. Каробачка нахіленая або гарызантальная, прадаўгавата-цыліндрычная, сагнутая, на доўгай чырвонай ножцы. Перыстом двайны. Вечка востраканічнае, з дзюбкай. Каўпачок клабукападобны.
Пашыраны ў Паўночным паўшар’і ад Арктыкі да паўднёвай мяжы лясоў. На Беларусі трапляецца ўсюды на балотах і забалочаных лугах, на глебе. Рэлікт ледавіковай эпохі.