Іаганес Барбарус

Іаганес Барбарус (эст.: Johannes Barbarus; сапр. імя Іаганес Варэс, эст.: Johannes Vares; 12 студзеня 1890, Хеймталі, паблізу Вільяндзі — 29 лістапада 1946, Талін) — эстонскі паэт і пісьменнік, палітычны дзеяч, Прэм’ер-міністр Эстоніі (1940), Старшыня Прэзідыума Вярхоўнага Савета Эстонскай ССР (1940—1946).

Іаханес Барбарус
эст.: Johannes Vares
1-ы Старшыня Прэзідыума Вярхоўнага Савета Эстонскай ССР 25 жніўня 1940 — 29 лістапада 1946
Папярэднік	пасада заснавана
Пераемнік	Эдуард Мікалаевіч Пяль
9-ы Прэм'ер-міністр Эстоніі 21 чэрвеня 1940 — 25 жніўня 1940
Прэзідэнт	Канстанцін Пятс
Папярэднік	Юры Улуатс
Пераемнік	пасада скасавана
Нараджэнне	12 студзеня 1890(1890-01-12) Хеймталі[d], Ліфляндская губерня, Расійская імперыя
Смерць	29 лістапада 1946(1946-11-29) (56 гадоў) Талін, Эстонская ССР, СССР
Партыя	КПСС
Адукацыя	медыцынскі факультэт Кіеўскага ўніверсітэта[d]
Дзейнасць	палітык, паэт, пісьменнік, гінеколаг, ваенны ўрач
Узнагароды	Заслужаны пісьменнік Эстонскай ССР[d]
Медыяфайлы на Вікісховішчы

Біяграфія

Іаганес Варэс скончыў гімназію ў Пернове, у 1910—1914 гадах вучыўся ў Кіеўскім універсітэце на медыцынскім факультэце. У час Першай сусветнай вайны, у 1915—1918 гадах служыў ваенным урачом. Удзельнік баёў у Эстоніі падчас Вызваленчай вайны 1918—1920 гадоў на баку Часовага ўрада, які ўзначальваў К. Пятс, быў узнагароджаны эстонскім ордэнам Крыж Свабоды, які адмовіўся прыняць.

У 1920-1930-х гадах працаваў урачом у Пярну. Па сваіх палітычных перакананнях — радыкал-сацыяліст. У канцы 1910-х — пачатку 1920-х гадоў пачалася яго літаратурная дзейнасць, паэт пісаў пад псеўданімам Барбарус і ўступіў у літаратурную групу Сіўру.

З 21 чэрвеня па 25 жніўня 1940 года Барбарус кіраваў эстонскім урадам, а з уваходжаннем Эстонскай ССР у склад СССР 25 жніўня 1940 года і да смерці займаў пасаду старшыні Прэзідыума Вярхоўнага Савета Эстонскай ССР. З верасня 1940 года Барбарус — член ЦК Кампартыі Эстоніі. У 1941—1944 гадах, падчас нямецкай акупацыі ЭССР, знаходзіўся ў эвакуацыі, пасля выгнання нямецкіх войскаў вярнуўся на радзіму.

29 лістапада 1946 года ў 11.40 раніцы быў знойдзены мёртвым у сваёй рэзідэнцыі ў палацы Кадрыёрг на падлозе ў ванным пакоі, застрэліўся з пісталета.

Выбраныя паэтычныя зборнікі

• «Фата Маргана» (1918)
• «Трыкутнік» (1921)
• «Кульмінацыя» (1934)
• «На франтавых дарогах» (1944)
• «Крок за крокам да Перамогі» (1945)