Ян Зыгмунт Дэйбель

Ян Зыгмунт Дэйбель (польск.: Jan Zygmunt Deybel магч. 1687—1752) — польскі архітэктар першай паловы 18 стагоддзя, саксонец паводле паходжання. Архітэктар польскага караля Аўгуста Моцнага.

Ян Зыгмунт Дэйбель
польск.: Jan Zygmunt Deybel
Род дзейнасці	архітэктар
Дата нараджэння	1687(1687)
Месца нараджэння	Саксонія
Дата смерці	1752(1752)
Месца смерці	Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая
Грамадзянства	Саксонія, Рэч Паспалітая
Медыяфайлы на Вікісховішчы

Кароткі жыццяпіс

Ян Зыгмунт Дэйбель прыбыў у Польшчу ў 1719 годзе ў якасці артылерыйскага афіцэра і інжынера. У 1736 годзе атрымаў чын капітана, а яшчэ праз дзесяць гадоў стаў маёрам. Быў жанаты, яго сын таксама быў ваенным — будучы польскі генерал Крысціян Дэйбель (1725—1798).

Абраныя творы

Ян Зыгмунт Дэйбель з 1721 года быў задзейнічаны ў будаўніцтве. З 1726 года яго прызначылі каралеўскім архітэктарам саксонца Аўгуста II Фрыдрыха. У творчасці архітэктара — перабудовы сядзібаў (Палац Чартарыйскіх, Пулавы, Палац Браніцкіх, 1735), каралеўскіх рэзідэнцый, праца на магната Яна Фрэдэрыка Сапегу, для якога Дэйбель стварыў Палац у Варшаве. Яму належыць праект новай рэзідэнцыі Сапегаў у сядзібе Ружаны.

Сярод найбольш значных твораў -

• Вілянуўскі палац, дабудоўкі, 1729—1734
• Саксонскі палац, Варшава, (значна перабудаваны)
• Палац Браніцкіх, 1735, Беласток, перабудовы
• Палац Яна Фрэдэрыка Сапегі ў Варшаве, канцлера літоўскага, 1731—1746 (пазней прыстасаваны пад Сапегіўскія казармы, 1818—1820, затым — ваенны шпіталь)
• Ружанскі палац для Сапегаў, 1748—1752 (сучасная Беларусь), дабудоўкі — арх. Ян Самуэль Бекер
• Арсенал (пазней гарадскі архіў)
• Міраўскія казармы, Варшава
• Палац Чартарыйскіх, Пулавы
• барочны палац Станіслава Панятоўскага ў Варшаве, бацькі будучага караля Станіслава Аўгуста (разбураны, на яго месцы стаіць Палац Урускіх / Чацвярцінскіх)

Саксонскі палац, Варшава	Палац Чартарыйскіх (да перабудовы і пашырэння), Пулавы	Палац Браніцкіх, Беласток

Вучні архітэктара

• Зыгмунт Фогель
• Эфраім Шрогер
• Ян Самуэль Бекер

Літаратура

• Stanisław Łoza: Architekci i Budowniczowie w Polsce (Architekten und Baumeister in Polen). Warschau 1954.

Спасылкі

• На Вікісховішчы ёсць медыяфайлы па тэме Ян Зыгмунт Дэйбель
• Jan Zygmunt Deybel Архівавана 28 верасня 2013.