Іванаўка (Гарадоцкі раён)

Іва́наўка (трансліт.: Ivanaŭka, руск.: Ивановка) — вёска ў Гарадоцкім раёне Віцебскай вобласці Беларусі. Уваходзіць у склад Даўгапольскага сельсавета.

Вёска Іванаўка Краіна Беларусь Вобласць Віцебская Раён Гарадоцкі Сельсавет Даўгапольскі Каардынаты 55°35′42,50″ пн. ш. 29°39′07,20″ у. д. Насельніцтва 23 чалавек (2002) Часавы пояс UTC+3 Тэлефонны код +375 2139 Паштовы індэкс 211573 Аўтамабільны код 2 СААТА 2218838038 Іванаўка на карце Беларусі ±

Іванаўка на Вікісховішчы

Гісторыя

У першай палове XIX ст. маёнтак, дзяржаўная ўласнасць у складзе Гарадоцкага павета Віцебскай губерні. У 1832 годзе ў выніку публічных таргоў перайшла ва ўласнасць памешчыкаў Гарловічаў (у склад маёнтка ўваходзілі вёскі Завань, Забароўе, Кавалі і інш.). У пачатку XX ст. маёнтак уваходзіў у склад Казьянскай воласці Гарадоцкага павета. 20 чэрвеня 1924 г. у Іванаўцы створана сельскагаспадарчае таварыства. З 20 жніўня 1924 г. вёска стала цэнтрам Іванаўскага сельсавета, перайменаванага ў 1929 г. у Пралетарскі. У вёсцы працавала сельгасарцель «Новае жыццё». У 1930-х гг. у вёсцы створаны калгас імя Варашылава, працавала кузня. У 1950-х гг. у Іванаўцы дзейнічала пачатковая школа. 16 ліпеня 1954 года цэнтр сельсавета перанесены з Іванаўкі ў Пралетарск. Пазней вёска ўваходзіла ў склад калгаса і саўгаса «Іванаўка». Дзейнічалі механізаваны двор, піларама, зернесушылкі, жывёлагадоўчая ферма і інш.

З 2 верасня 1998 г. вёска Іванаўка ў складзе Даўгапольскага сельсавета Гарадоцкага раёна.

Насельніцтва

• Пачатак XX ст. — 10 жыхароў, 1 двор;
• 1926 — 62 жыхары, 12 двароў;
• 1959—130 жыхароў;
• 1970—104 жыхары;
• 1.1.2002 — 23 жыхары, 13 двароў.

Вядомыя асобы

• Віталь Мікалаевіч Жураў (1920—2010) — Герой Сацыялістычнай Працы.

Літаратура

• Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 823. — 894 с. — 2 500 экз. — ISBN 985-01-0546-1.

Спасылкі

• Коллективное хозяйство (колхоз) «Ивановка», д. Ивановка Пролетарского сельского Совета Городокского района Витебской области // Фондовый каталог государственных архивов Республики Беларусь (руск.)