Дзмітрый Дзмітрыевіч Іваненка

Дзмі́трый Дзмі́трыевіч Іване́нка (29 ліпеня 1904, Палтава, Украіна — 30 снежня 1994) — савецкі і расійскі фізік-тэарэтык, заснавальнік навуковай школы па тэарэтычнай фізіцы. Доктар фізіка-матэматычных навук (1940).

Дзмітрый Дзмітрыевіч Іваненка
Дата нараджэння	16 (29) ліпеня 1904
Месца нараджэння	Палтава, Палтаўская губерня, Расійская імперыя
Дата смерці	30 снежня 1994(1994-12-30) (90 гадоў)
Месца смерці	Масква, Расія
Месца пахавання	Кунцаўскія могілкі[d]
Грамадзянства	Украінская Народная Рэспубліка  УССР  СССР  Расія
Род дзейнасці	фізік-тэарэтык, фізік, вучоны-ядзершчык
Навуковая сфера	тэарэтычная фізіка
Месца працы	Харкаўскі фізіка-тэхнічны інстытут[d] Харкаўскі політэхнічны інстытут Фізіка-тэхнічны інстытут імя А. Ф. Іофе РАН[d] Сібірскі фізіка-тэхнічны інстытут[d] Уральскі дзяржаўны ўніверсітэт імя А. М. Горкага Кіеўскі нацыянальны ўніверсітэт імя Тараса Шаўчэнкі фізічны факультэт МДУ[d] Маскоўская сельскагаспадарчая акадэмія імя К. А. Ціміразева
Навуковая ступень	доктар фізіка-матэматычных навук (1940)
Навуковае званне	прафесар
Альма-матар	Палтаўская мужчынская гімназія[d] Палтаўскі нацыянальны педагагічны ўніверсітэт імя У. Г. Караленкі Санкт-Пецярбургскі дзяржаўны ўніверсітэт
Вядомыя вучні	Arseny Sokolov[d]
Член у	Расійская акадэмія навук
Прэміі
Узнагароды

Біяграфія

Скончыў Ленінградскі ўніверсітэт (1927). З 1943 прафесар Маскоўскага ўніверсітэта.

Навуковая дзейнасць

Навуковыя працы па тэорыі спінораў, фізіцы атамнага ядра, квантавай і адзінай нелінейнай тэорыях поля, тэорыі гравітацыі, гісторыі фізікі.

Прапанаваў пратон-нейтронную мадэль атамнага ядра (1932). Заклаў асновы палявой тэорыі парных ядзерных сіл (1934, разам з І. Тамам). Прапанаваў нелінейнае абагульненне спінорнага ўраўнення Дзірака (1938). Выказаў ідэю ўзаемнага ператварэння гравітонаў у элементарныя часціцы (1944). Прадказаў сінхратроннае выпрамяненне (1944; разам з І. Я. Памеранчуком).

Узнагароды

• Дзяржаўная прэмія СССР (Сталінская прэмія) 1950.

Творы

• Групповые, геометрические и топологические методы в теории поля. Ч. 1. М., 1983 (разам з П.І. Проніным, Г. А. Сарданашвілі).
• Калибровочная теория гравитации. М., 1985 (разам з П.І. Проніным, Г. А. Сарданашвілі).

Літаратура

• Іваненка Дзмітрый Дзмітрыевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 150. — 10 000 экз. — ISBN 985-11-0035-8. — ISBN 985-11-0130-3 (т. 7).
• Памяти профессора Д. Д. Иваненко // Вестн. Московского ун-та. Сер. 3. Физика. Астрономия. 1995. Т. 36, № 2. (руск.)