Іван Іванавіч Грамовіч
Іван Іванавіч Грамовіч (26 ліпеня 1918, Закружка — 2 ліпеня 1986) — беларускі празаік. Заслужаны работнік культуры БССР (1978).
| Іван Іванавіч Грамовіч | |
|---|---|
| Асабістыя звесткі | |
| Дата нараджэння | 26 ліпеня 1918 |
| Месца нараджэння | |
| Дата смерці | 2 ліпеня 1986 (67 гадоў) |
| Альма-матар | |
| Месца працы | |
| Прафесійная дзейнасць | |
| Род дзейнасці | празаік, пісьменнік |
| Мова твораў | беларуская |
| Узнагароды |
 |
БіяграфіяПравіць
Скончыў Мінскі педагагічны інстытут у 1939 годзе. Удзельнік Вялікай Айчыннай вайны. У 1970-78 гадах намеснік галоўнага рэдактара часопіса «Вожык»[1].
ТворчасцьПравіць
Дэбютаваў апавяданнем у 1935[1] годзе (альманах «Аднагодкі»). Аўтар кніг прозы «Апавяданні» (1947), «Агні пяцігодкі» (1949), «Шырокія азёры» (1951), «Да ясных вышыняў» (1952), «У лесе на палянцы» (1957), «Рына-Марына» (1958), «Далі сабе слова» (1970), «Чатыры сантыметры надзеі» (1987), зборнікаў апавяданняў для дзяцей «Першае верасня» (1949), «Сонца скрозь воблакі» (1964), «Як вясну рабілі» (1985), нарысаў[1]. Выдаў зборнікі гумарэсак «Нарасць» (1961), «Вадалей — Гэтакдалей» (1975) і «Залатая бранзалетка» (1977). У часопісе «Полымя» апублікаваў першую частку рамана «Іду з табой, Масква!» (1953). Выйшлі кнігі ўспамінаў «У сховах памяці і сэрца» (1983), нататак «Зялёны долар — чорны забойца» (1985). Выйшлі «Выбранае» (1968, 1988) і Выбраныя творы ў 2 тамах (1978).
У апавяданнях (зборнікі «Апавяданні», 1947; «Шырокія азёры», 1951; «Рына-Марына», 1958 і іншых) паказаў гераізм савецкіх людзей у гады Вялікай Айчыннай вайны, жыццё моладзі, закранаў важныя маральна-этычныя праблемы. Будням рабочых прысвечаны аповесці «Іду з табой, Масква» (1953), «На крутой гары» (напісана 1950—1975), станаўленню характару савецкага чалавека — аповесць «Далі сабе слова» (1966—1968, новая рэдакцыя «Сям’я Вішнёвых», 1978).[1]
Аўтар сцэнарыяў дакументальных і відавых фільмаў «Памяццю сэрца» (1962), «Паэт у дарозе» (1963), «Паўлік і партфель» (1963).
Пераклаў з рускай і ўкраінскай моў аповесць М. Носава «Дзённік Колі Сініцына» (1955), раман У. Кочатава «Браты Яршовы» (1960), паасобныя творы А. Голубевай, А. Кавінькі.
БібліяграфіяПравіць
- Выбраныя творы. Т. 1-2. — Мн., 1978
Зноскі
ЛітаратураПравіць
- Беларуская энцыклапедыя. У 18 т. Т. 5. — Мінск, 1997.
- Энцыклапедыя літаратуры і мастацтва Беларусі. У 5 т. Т. 2. — Мінск, 1985.
- Рина-Марина / Іван Грамович // Білоруські оповідання. — Київ, 1957. — С. 44-62.
- Три повести : авторизированный перевод с белорусского / Иван Громович. — Минск, 1983