Іван Ануфрыевіч Крупеня

Іва́н Ану́фрыевіч Крупе́ня (27 студзеня 1908, в. Каркалец, Дрысенскі павет, Віцебская губерня, Расійская імперыя — 15 чэрвеня 1952, Мінск, Беларуская ССР, СССР) — беларускі дзяржаўны дзеяч, намеснік Старшыні Савета Народных Камісараў БССР (1941—1946).

Іван Ануфрыевіч Крупеня
1-ы Міністр саўгасаў БССР 15 лютага 1947 — 1951
Кіраўнік урада	Панцеляймон Панамарэнка Аляксей Кляшчоў
Папярэднік	пасада заснаваная
Пераемнік	Пётр Калінін
1-ы Міністр земляробства БССР 26 сакавіка 1946 — 15 лютага 1947
Кіраўнік урада	Панцеляймон Панамарэнка
Папярэднік	ён сам, як наркам земляробства
Пераемнік	Павел Нікіцін
Намеснік старшыні СНК БССР 1941 — 1946
Кіраўнік урада	Панцеляймон Панамарэнка
Народны камісар земляробства БССР 1 жніўня 1939 — 26 сакавіка 1946
Кіраўнік урада	Панцеляймон Панамарэнка
Папярэднік	Міхаіл Кулагін
Пераемнік	ён сам, як міністр земляробства
Нараджэнне	27 студзеня 1908(1908-01-27) Каркалец[d], Дрысенскі павет, Віцебская губерня, Расійская імперыя
Смерць	15 чэрвеня 1952(1952-06-15) (44 гады) Мінск, БССР, СССР
Месца пахавання	Вайсковыя могілкі
Партыя	УКП(б) (1929)
Дзейнасць	палітык
Ваенная служба
Званне	Палкоўнік
Узнагароды

Біяграфія

Нарадзіўся 27 студзеня 1908 года ў в. Каркалец Дрысенсага павета Віцебскай губерні.

У 1926—1928 гадах — на савецкай, гаспадарчай працы. Член УКП(б) з 1929 года.

• 1928—1929 гг. — старшыня Жоўнінскага сельскага Савета (Дрысенскі раён Полацкай акругі),
• 1929—1930 гг. — старшыня калгаса «Ленінскі шлях»,
• 1930—1932 гг. — сакратар камітэта КП(б) Беларусі саўгасу «Бігосава»,
• 1932—1934 гг. — старшыня калгаса імя Камінтэрна,
• 1934—1937 гг. — дырэктар Дрысенскай машынна-трактарнай станцыі (Беларуская ССР),
• 1937—1938 гг. — старшыня выканаўчага камітэта Дрысенскага раённага Савета,
• 1938 г. — намеснік старшыні Арганізацыйнага камітэта Прэзідыума ЦВК — Вярхоўнага Савета Беларускай ССР па Віцебскай вобласці,
• 1939 г. — старшыня Арганізацыйнага камітэта Прэзідыума Вярхоўнага Савета Беларускай ССР па Віцебскай вобласці,
• 1939—1941 гг. — народны камісар земляробства Беларускай ССР,
• 1941—1946 гг. — намеснік старшыні СНК Беларускай ССР.
• 9 верасня 1942 года быў прызначаны намеснікам начальніка Беларускага Штаба партызанскага руху,

У 1943—1947 гадах — народны камісар — Міністр земляробства БССР. У 1947—1951 гадах  — Міністр саўгасаў БССР. З 1951 года — намеснік Міністра сельскай гаспадаркі БССР.

ЧленЦК КП(б) Беларусі (з 1940), член Бюро ЦК КП(б) Беларусі (1942—1948). Дэпутат Вярхоўнага Савета СССР 1-га і 2-га скліканняў. Дэпутат Вярхоўнага Савета БССР 1-га і 2-га скліканняў.

Памёр 15 чэрвеня 1952 года ў Мінску. Пахаваны ў Мінску на Вайсковых могілках.

Узнагароды і званні

Узнагароджаны ордэнамі Леніна (1939), двойчы — Працоўнага Чырвонага Сцяга, ордэн Айчыннай Вайны I-й ступені (1944), Чырвонай Зоркі.

Літаратура

• Республика Беларусь : энциклопедия : в 6 т. / редкол. Г. П. Пашков [и др.]. — Мн., 2006.
• Высшее партизанское командование Белоруссии. 1941—1944: справочник / Э. Г. Иоффе [и др.]; под общ. ред. д-ра ист. наук проф. Э. Г. Иоффе — Мінск: Беларусь, 2009.— 271 с. — ISBN 978-985-01-0836-4.