Іван Аўдзеевіч Авекаў

Іван Аўдзеевіч Авекаў
Іван Аўдзеевіч Авекаў
Дата нараджэння	19 мая 1919
Месца нараджэння	Асінаўка, Аршанскі павет, Гомельская губерня, РСФСР;
Дата смерці	17 красавіка 1943 (23 гады)
Месца смерці	невядома;
Месца пахавання	Данкоў;
Грамадзянства	СССР;
Прыналежнасць
Гады службы	1937—1943
Званне	Капітан
Часць	519-ы знішчальны авіяцыйны полк ; 20-я армія
Камандаваў	эскадрыльяй
Бітвы/войны	Вялікая Айчынная вайна

Іван Аўдзеевіч Авекаў (19 мая 1919, в. Асінаўка, Дубровенскі раён — 17 красавіка 1943? ^[1]) — лётчык, удзельнік Вялікай Айчыннай вайны, камандзір авіяцыйнай эскадрыллі 519-га знішчальнага авіяцыйнага палка 20-й арміі Заходняга фронту, Герой Савецкага Саюза (1943), капітан^[2].

Біяграфія

Нарадзіўся 19 мая 1919 года на станцыі Асінаўка, цяпер Дубровенскі раён^[2] Віцебскай вобласці Беларусі ў сям’і рабочага. Беларус. Адукацыя няпоўная сярэдняя. Жыў і працаваў у Віцебску.

У Чырвонай Арміі з 1937 года. У 1939 годзе скончыў Харкаўскую ваенную авіяцыйную школу лётчыкаў-назіральнікаў, а ў 1940 годзе — Адэскую ваенную авіяцыйную школу пілотаў. З чэрвеня 1941 года ў дзеючай арміі. Ваяваў на Паўднёва-Заходнім, Заходнім і Цэнтральным франтах. Актыўны ўдзельнік абароны гарадоў-герояў Масквы і Тулы.

Камандзір авіяцыйнай эскадрыллі 519-га знішчальнага авіяцыйнага палка (20-я армія, Заходні фронт) кандыдат у члены ВКП (б) капітан Іван Авекаў да сакавіка 1942 года здзейсніў 178 баявых вылетаў, з іх 45 на штурмоўку войскаў і аэрадромаў праціўніка. У паветраных баях збіў асабіста пятнаццаць i ў групе шэсць варожых самалётаў, адзін тараніў, 23 знішчыў штурмавымі дзеяннямі на аэрадромах^[2].

20 сакавіка 1942 года ў раёне Гжацка, цяпер горада Гагарына Смаленскай вобласці, у паветраным баю з сям’ю самалётамі непрыяцеля Іван Авекаў збіў два з іх.

Адважны лётчык-знішчальнік капітан Авекаў І. А. загінуў у выніку катастрофы 17 красавіка 1943 года. Пахаваны ў брацкай магіле гарадскіх могілак горада Данкаў Ліпецкай вобласці у ліку сямідзесяці шасці загінуўшых воінаў^[2].

Указам Прэзідыума Вярхоўнага Савета СССР ад 24 жніўня 1943 года за ўзорнае выкананне баявых заданняў камандавання на фронце ў барацьбе з нямецка-фашысцкімі захопнікамі і праяўленыя пры гэтым мужнасць і гераізм капітану Авекаву Івану Аўдзеевічу прысвоена званне Героя Савецкага Саюза.

Узнагароды

Медаль «Залатая Зорка» Героя Савецкага Саюза
Ордэн Леніна

Памяць

У 1988 годзе на брацкай магіле у горадзе Данкаў, у якой спачывае прах героя, усталяваны помнік.

Гл. таксама

Зноскі

↑ Месца смерці па наяўных крыніцах не ўстаноўлена. Загінуў у выніку катастрофы. Пахаваны ў г. Данкаў, Разанская вобласць, РСФСР, СССР
↑ ^а ^б ^в ^г т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

Літаратура

Іван Аўдзеевіч Авекаў на сайце «Героі краіны» (Праверана 24 студзеня 2012)
Герои Советского Союза: Краткий биографический словарь / Пред. ред. коллегии И. Н. Шкадов — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Памяць: Гіст.-дакументальная хроніка Віцебска: У 2-х кн. Кн. 2-я / Рэд. кал.: Г. П. Пашкоў (гал. рэд.) і інш.. — Мн.: БелЭн, 2003. — 680 с. — 5 000 экз. — ISBN 985-11-0257-1.

[1] Месца смерці па наяўных крыніцах не ўстаноўлена. Загінуў у выніку катастрофы. Пахаваны ў г. Данкаў, Разанская вобласць, РСФСР, СССР

[БС-2] а ^б ^в ^г т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

[1]

[2]