Іван Багданавіч Сапега

Іван Сапега (1486 — паміж 4 красавіка і 19 лістапада 1546) — вялікалітоўскі дзяржаўны і ваенны дзеяч. Пісар гаспадарскі (1507—1516) і маршалак гаспадарскі (1515—1541); ваявода віцебскі (1520—1529) і ваявода падляшскі (1529—1541); староста драгічынскі (1529—1541, 1545—1546).

Іван Сапега
Герб «Ліс»
Ваявода падляшскі 1529 — 1541
Папярэднік	Януш Касцевіч
Пераемнік	Мікалай Пац
Нараджэнне	каля 1480
Смерць	1546
Род	Сапегі
Бацька	Багдан Сямёнавіч Сапега
Маці	Фядора Бабіч-Друцкая-Сакалінская[d]
Жонка	Ганна Андрэеўна Сангушка[d]
Дзеці	Павел, Іван, Лукаш, Міхаіл, Соф’я
Дзейнасць	дыпламат

Біяграфія

З чарэйска-ружанскай лініі магнацкага роду Сапегаў герба «Ліс», сын Багдана.

Браў удзел у пасольствах у Маскву (1508, 1531—1532, 1536) і Асманскую імперыю (1534).

Браў удзел у кампаніі 1514 года пад камандаваннем вялікага гетмана кн. Канстанціна Астрожскага. Камандаваў часткай войска ў баі на Бярэзіне (27.8.1514) і ў бітве пад Оршай (1514).

На Попіс 1528 года ставіў 27 коней.

У 1541 годзе пазбаўлены ўрадаў, пазней вярнуў Дарагічынскае староства.

У шлюбе з Ганнай з Сангушкаў меў сыноў Лукаша, Паўла, Міхаіла і Івана, дачку Соф’ю.

Літаратура

• Грыцкевіч А. Сапегі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 547. — 792 с. — ISBN 985-11-0378-0 (т. 2), ISBN 985-11-0315-2.
• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8.. С. 222—228.

Спасылкі

• Sapiehowie (польск.)(недаступная спасылка). mariusz.eu.pn. Архівавана з першакрыніцы 21 верасня 2013. Праверана 13 кастрычніка 2014.