Іван Васілевіч Увараў
Іван Васільевіч Увараў (руск.: Иван Васильевич Уваров; лістапад 1901 — 24 красавіка 1938, Майскі[d], Валагодская вобласць) — савецкі дзеяч.
| Іван Васілевіч Увараў | |
|---|---|
| Нараджэнне | лістапад 1901 |
| Смерць |
24 красавіка 1938 (36 гадоў) |
| Месца працы | |
Біяграфія
правіцьНарадзіўся ў лістападзе 1901 года ў рабочай сям’і, рускі.
У 1913—1917 гадах вучыўся ў рамесных майстэрнях, скончыў марксісцка-ленінскія курсы. У 1912—1919 гадах працаваў у рамесных майстэрнях. У 1919—1920 гадах служыў у Чырвонай Арміі, чырвонаармеец і палітрук. У 1920—1921 гадах — наркам пуцявых дарог па Варонежскім вузле[1].
У 1922—1924 гадах — старшыня Варонежскіх валаснога і раённага выканаўчага камітэтаў. У 1924—1927 гадах — упаўнаважаны Губпрафсавета. У 1927—1928 гадах — загадчык дрэваапрацоўчых майстэрняў. У 1928—1929 гадах — інструктар у Варонежскім раённым камітэце УКП(б), сакратар парткама завода «Камінтэрн». У 1929—1930 гадах — старшыня акруговага калгассаюза[1].
У 1930 годзе скончыў курсы дырэктараў свінасаўгасаў пры ЦК УКП(б) у Маскве. У 1930—1931 гадах — кіраўнік групы саўгасаў БССР «Свінагадаб’яднання» (Масква).
З лістапада 1931 года па 1933 год — дырэктар Віцебскага ветэрынарнага інстытута[2].
У 1933—1935 гадах — намеснік дырэктара па адміністратыўна-гаспадарчай частцы Валагодскага сельскагаспадарчага інстытута. У 1935—1936 гадах — дырэктар Валагодскага сельскагаспадарчага інстытута, выкладчык па палітпадрыхтоўцы[1].
Прыгавораны да расстрэлу па так званых «сталінскіх спісах» па Валагодскай вобласці РСФСР [АП РФ, вопіс 24, справа 416, ліст 102]. Расстраляны 24 красавіка 1938 года на расстрэльным палігоне «Барскае» каля пасёлка Барскае (цяпер — Майскае) Валагодскага раёна Валагодскай вобласці РСФСР[3].