Іван Віктаравіч Васілёнак

(Пасля перасылкі з Іван Васілёнак)

Іван Васілёнак (нар. 17 мая 1989, в. Слабада, Смалявіцкі раён) — беларускі футбаліст, абаронца клуба «Крумкачы».

Футбол
Іван Васілёнак
Агульная інфармацыя
Поўнае імя Іван Віктаравіч Васілёнак
Нарадзіўся 17 мая 1989(1989-05-17)[1] (31 год)
в. Слабада, Смалявіцкі раён, БССР
Грамадзянства Flag of Belarus.svg Беларусь
Рост 179 см
Вага 74 кг
Пазіцыя абаронца
Інфармацыя пра клуб
Клуб Беларусь Крумкачы
Кар’ера
Клубная кар’ера*
2006 — 2007 Беларусь БАТЭ (Барысаў) 0 (0)
2008 Беларусь Дарыда (Ждановічы) 0 (0)
2009 — 2010 Беларусь Гарадзея 43 (0)
2011 Беларусь Клечаск (Клецк) 26 (0)
2012 — 2014 Беларусь Смалявічы-СТІ 77 (7)
2014 — 2015 Беларусь Славія-Мазыр 17 (0)
2016 Беларусь Нёман-Агра (Стоўбцы) 1 (0)
2016 — 2020 Беларусь Смалявічы 82 (1)
2020 — Беларусь Крумкачы (Мінск)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 10 ліпеня 2020.


Клубная кар’ераПравіць

Выхаванец прыватнай футбольнай школы Віктара Дарміна ў Смалявічах, пачынаў дарослую кар’еру ў складзе дубля барысаўскага БАТЭ, пазней гуляў за дубль «Дарыды». У 2009—2010 гадах гуляў у Другой лізе за «Гарадзею», разам з якой выйграў турнір. Пасля аднаго сезона ў Першай лізе ў складзе «Клечаска» зноў выйграў Другую лігу ў складзе клуба «Смалявічы-СТІ».

У 2014 годзе перайшоў у мазырскую «Славію», якую ўзначальваў былы трэнер смалявіцкай каманды Юрый Пунтус. Дапамог клубу выйсці ў Вышэйшую лігу. У першай палове сезона 2015 выступаў за дубль, пазней стаў трапляць на лаўку запасных асноўнай каманды. У Вышэйшай лізе дэбютаваў 13 верасня 2015 года ў гасцявым матчы супраць «Віцебска», правёўшы на полі ўсе 90 хвілін. Да канца сезона яшчэ 5 разоў згуляў за «Славію» ў элітным дывізіёне, але пасля гэтага пакінуў клуб.

У першай палове 2016 года згуляў у адным матчы ў Другой лізе за «Нёман-Агра», а ў жніўні зноў стаў іграком «Смалявічаў-СТІ»[2]. Па выніках сезона 2017 дапамог камандзе выйсці ў Вышэйшую лігу. У снежні 2017 года падоўжыў кантракт з клубам, які змяніў назву на «Смалявічы»[3]. У сезоне 2018 з’яўляўся на полі нерэгулярна, часцей заставаўся на лаўцы запасных. У снежні 2018 года падоўжыў кантракт са смалявіцкім клубам[4]. У сезоне 2019 у якасці асноўнага абаронцы дапамог камандзе вярнуць месца ў Вышэйшай лізе. У студзені 2020 года падоўжыў кантракт са «Смалявічамі»[5]. Пачатак сезона 2020 прапусціў з-за траўмы, з мая стаў з’яўляцца ў стартавым складзе.

У ліпені 2020 года па пагадненні бакоў пакінуў «Смалявічы»[6] і хутка перайшоў у «Крумкачы»[7].

ДасягненніПравіць

Зноскі

СпасылкіПравіць