Іван Віктаравіч Шут

Іван Віктаравіч Шут (нар. 15 снежня 1932, Паланечка, Баранавіцкі павет, Навагрудскае ваяводства, Польская Рэспубліка) — беларускі спецыяліст у галіне прыборабудавання. Кандыдат тэхнічных навук (1989), прафесар (Расія, 1993; Беларусь, настрыфікацыя, 2001).

Іван Віктаравіч Шут
Дата нараджэння	15 снежня 1932(1932-12-15) (91 год)
Месца нараджэння	Паланечка, Баранавіцкі павет, Навагрудскае ваяводства, Польская Рэспубліка
Месца працы	Мінскі падшыпнікавы завод Мінскі электратэхнічны завод імя В. І. Казлова БДАТУ Беларускі дзяржаўны ўніверсітэт інфарматыкі і радыёэлектронікі
Навуковая ступень	кандыдат тэхнічных навук
Навуковае званне	прафесар
Альма-матар	БНТУ
Узнагароды

Біяграфія

Нарадзіўся 15 снежня 1932 года ў в. Паланечка Баранавіцкага павета Навагрудскага ваяводства Польскай Рэспублікі (цяпер — у Баранавіцкім раёне Брэсцкай вобласці).

У 1956 годзе скончыў Беларускі політэхнічны інстытут па спецыяльнасці «Тэхналогія машынабудавання».

Працаваў на Мінскім падшыпнікавым заводзе (1956—1961); Мінскім электратэхнічным заводзе (1961—1969); у Беларускім інстытуце механізацыі сельскай гаспадаркі (1964—1967); на Мінскім заводзе «Калібр» (1969—1979, намеснік галоўнага інжынера, галоўны тэхнолаг, галоўны інжынер); у Мінскім вытворчым аб’яднанні імя У. І. Леніна (1979—992, галоўны інжынер); Беларускім дзяржаўным універсітэце інфарматыкі і радыёэлектронікі (з 1986; кафедра электроннай тэхнікі і тэхналогіі, прафесар).

Навуковыя інтарэсы: тэхналогія радыёэлектроннай апаратуры; праектаванне і асваенне радыёэлектронных устройстваў; распрацоўка і ўкараненне высокаэфектыўных рэсурсазберагальных тэхналогій.

Узнагароды

Грамата Міністэрства вышэйшай адукацыі СССР (1954), медалі ВДНГ СССР (бронзавы, 1966 і 1973; сярэбраны, 1978), ордэн «Знак Пашаны» (1974), ордэн Працоўнага Чырвонага Сцяга (1981, 1986), знакі «Ганаровы радыст СССР» (1980), «Вынаходнік СССР» і інш.

Бібліяграфія

• Информация и производство : подходы к внедрению CALS/ИПИ-технологий на предприятии / И. В. Шут // Изобретатель. — 2012. — № 12. — С. 31—35.

Літаратура

• Шут Иван Викторович // Белорусский государственный университет информатики и радиоэлектроники: история в биографиях ректоров, ученых, удостоенных почетных званий, лауреатов премий, профессоров, докторов наук : 40 лет (1964—2004). ― Минск, 2004. — С. 215—217.
• Шут Іван Віктаравіч // Беларуская энцыклапедыя : у 18 т. — Мінск, 2003. — Т. 17. — С. 489.
• Шут Иван Викторович // Кто есть кто в Республике Беларусь. 2001. Т. 1. — Минск, 2001. — С. 175—176.