Іван Дзянісавіч Прахарэнка

Іван Дзянісавіч Прахарэ́нка (10 мая 1918 — 18 чэрвеня 2010) — вучоны, доктар эканамічных навук (1971), прафесар (1971). Заслужаны работнік вышэйшай школы БССР (1972). Удзельнік Вялікай Айчыннай вайны.

Іван Дзянісавіч Прахарэнка
Дата нараджэння	10 мая 1918(1918-05-10)
Месца нараджэння	Вышамір, Холмецкая воласць[d], Рэчыцкі павет, Мінская губерня
Дата смерці	18 чэрвеня 2010(2010-06-18) (92 гады)
Грамадзянства	СССР  Беларусь
Род дзейнасці	навуковец
Навуковая сфера	эканоміка
Месца працы	Мінскае вышэйшае інжынернае зенітна-ракетнае вучылішча БДУ Акадэмія кіравання пры Прэзідэнце Рэспублікі Беларусь Інстытут прадпрымальніцкай дзейнасці
Навуковая ступень	доктар эканамічных навук
Навуковае званне	прафесар
Альма-матар	Гомельскі дзяржаўны ўніверсітэт імя Францыска Скарыны
Узнагароды

Біяграфія

Нарадзіўся ў вёсцы Вышамір (сучасны аграгарадок у Рэчыцкім раёне Гомельскай вобласці Беларусі). У 1934 годзе скончыў сямігадовую школу, на рабфаку. У 1939 годзе скончыў фізіка-матэматычны факультэт Гомельскага педагагічнага інстытута і ў 1939—1941 гадах працаваў настаўнікам у Гарадзецкай сярэдняй школе. Удзельнік Вялікай Айчыннай вайны на Бранскім, Цэнтральным, Заходнім і Паўднёва-Заходнім франтах СПА. У канцы вайны быў палітработнікам палітаддзела корпуса СПА. У 1948—1953 гадах чытаў лекцыі на ракетным палігоне Капусцін Яр і ў ЦКБ акадэміка С. П. Каралёва. У 1953—1956 гадах навучаўся ў ад’юнктуры кафедры палітычнай эканоміі Ваенна-палітычнай акадэміі імя У. І. Леніна і ў 1956 годзе абараніў кандыдацкую дысертацыю. З 1957 года выкладаў у Мінскім вышэйшым інжынерным зенітным ракетным вучылішчы супрацьпаветранай абароны. У жніўні 1973 года быў звольнены ў запас і пачаў працу ў Беларускім дзяржаўным універсітэце на пасадзе загадчыка кафедры палітычнай эканоміі. З 1993 года І. Д. Прахарэнка ў Акадэміі кіравання пры Прэзідэнце Рэспублікі Беларусь і ў Інстытуце прадпрымальніцкай дзейнасці (загадчык кафедры эканомікі і фінансаў).

Навуковая дзейнасць

Аўтар больш за 250 прац па праблемах эканамічнай тэорыі, развіцця эканамічнай сістэмы грамадства, фарміравання структуры і функцыявання сусветнай гаспадаркі і методыцы выкладання.

Сярод апублікаванага:

• Развитие социалистических производственных отношений. — М.: Мысль, 1972;
• Социалистические производственные отношения и закон соответствия. — Мн., 1969;
• Духовное производство при социализме: Политико-экономический аспект / Иван Денисович Прохоренко, Самвел Вазгенович Курегян. — Мн.: Университетское, 1987;
• Практикум по курсу «Экономическая теория». — Мн.: Академия управления при Президенте РБ, 1996;
• Азиатский способ производства и Азиатский социализм. — М.: Изд. Дом, 1993 (разам з С. В. Курэганам).

Узнагароды і званні

• 2 ордэны Чырвонай Зоркі
• Ордэн Айчыннай вайны 2-й ступені
• Медаль «За баявыя заслугі»
• Медаль «За перамогу над Германіяй у Вялікай Айчыннай вайне 1941—1945 гг.»
• Заслужаны работнік вышэйшай школы БССР (1972)

Літаратура

• Прахарэнка Іван Дзянісавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 30. — 10 000 экз. — ISBN 985-11-0035-8. — ISBN 985-11-0216-4 (т. 13).
• Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2013. — Т. 3. Гомельская область. В 2 кн. Книга 2. Липовская усадьба — Ятченко. — 510 с. — 2 000 экз. — ISBN 978-985-11-0596-6.

Спасылкі

• Прохоренко Иван Денисович (руск.) // Партал ЭКОНОМИКА.BY
• Прохоренко Иван Денисович // Музейный комплекс «Дорога памяти» Архівавана 5 красавіка 2022. (руск.)