Іван Срацімір

Іван Срацімір (балг.: Иван Срацимир; 1324—1396) — балгарскі цар у 1356—1396; адзін з дзвюх, разам з братам Іванам Шышманам, апошніх балгарскіх цароў, сын цара Івана Аляксандра.

Іван Срацімір
Иван Срацимир
цар Балгарыі 1356 — 1396
Папярэднік	Іаан-Аляксандр
Пераемнік	Канстанцін II Асень
Нараджэнне	1324 ці 1328 Ловеч, Ловеч, Ловецкая вобласць, Балгарыя
Смерць	1397 Бурса, Асманская імперыя
Месца пахавання	Бурса
Род	Sratsimir dynasty[d]
Бацька	Іван Аляксандр
Маці	Тэадора Бесарабская[d]
Жонка	Ганна Бесараб[d]
Дзеці	Канстанцін II Асень[d] і Даратэя Відзінская[d]
Дзейнасць	суверэн
Аўтограф
Медыяфайлы на Вікісховішчы

Другое Балгарскае царства пасля 1371.

З 1356, пасля каранацыі свайго брата Івана Шышмана, Іван Срацімір кіраваў Відзінскай вобласцю як незалежнай дзяржавай. У 1365 Відзінскае царства было акупавана венгерскім каралём Людовікам I, а сам Іван Срацімір быў узяты ў палон. У 1369 Відзінскае царства было адноўлена з дапамогай балгарскага (тырнаўскага) цара Івана Аляксандра, влашскага князя Уладзіслава I і Даброціцы, кіраўніка Дабруджы.

Яго брат Іван Шышман у самым пачатку свайго кіравання, у 1371—1372 гадах, падвергся нападу туркаў, але выратаваўся саступкай часткі сваіх уладанняў. У 1393—1394 туркі ўзялі сталіцу царства Івана Шышмана, Тырнава, і зрынулі яго. Відзінскае царства Івана Сраціміра было падпарадкавана туркамі ў 1396, яго сын і суправіцель Канстанцін II Асень стаў васалам турэцкага султана і апошнім царом Балгарыі.

Сям’я

Іван Срацімір быў жанаты двойчы. Пра першы шлюб не вядома нічога. Другі шлюб быў з Ганнай, дачкой влашскага князя Мікалая Аляксандра. Ад другога шлюбу ў Івана Сраціміра былі:

1. Даратэя, выйшла замуж за баснійскага бана Твртку I.
2. Канстанцін, адзіны сын і спадчыннік Івана Сраціміра. Кіраваў Відзінскім царствам пасля смерці свайго бацькі да 1422. Быў турэцкім васалам.

Літаратура

• Иоанн-Шишман и Иоанн-Срацимир // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.