Ігар Азоравіч Спільнічэнка

Ігар Азоравіч Спільнічэнка (нар. 8 кастрычніка 1962, Слуцк Мінскай вобласці) — беларускі ўрач і палітык.

Ігар Азоравіч Спільнічэнка
Нараджэнне	8 кастрычніка 1962(1962-10-08) (61 год) Слуцк, Слуцкі раён, Мінская вобласць, БССР, СССР
Адукацыя	БДМУ
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыў Мінскі дзяржаўны медыцынскі інстытут па спецыяльнасці «лячэбная справа».

Працаваў урачом-інтэрнам аддзялення анестэзіялогіі і рэаніматалогіі Мінскай абласной клінічнай бальніцы. Быў урачом анестэзіёлагам-рэаніматолагам, намеснікам галоўнага ўрача па медыцынскаму абслугоўванню насельніцтва Слуцкага тэрытарыяльна-медыцынскага аб’яднання. Займаў пасаду галоўнага ўрача ўстановы аховы здароўя «Вілейская цэнтральная раённая бальніца».

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання

Узнагароды

Узнагароджаны Ганаровай граматай Нацыянальнага сходу Рэспублікі Беларусь.