Ігар Аляксандравіч Савушкін

Ігар Аляксандравіч Са́вушкін (руск.: Игорь Александрович Савушкин; 5 чэрвеня 1935 — 25 ліпеня 2005) — вучоны ў галіне ядзернай энергетыкі, доктар тэхнічных навук (2000).

Ігар Аляксандравіч Савушкін
Дата нараджэння	5 чэрвеня 1935(1935-06-05)
Месца нараджэння	Масква, РСФСР, СССР
Дата смерці	25 ліпеня 2005(2005-07-25) (70 гадоў)
Грамадзянства	СССР  Беларусь
Род дзейнасці	навуковец
Навуковая сфера	ядзерная энергетыка
Месца працы	Аб’яднаны інстытут энергетычных і ядзерных даследаванняў «Сосны» БДПУ
Навуковая ступень	доктар тэхнічных навук (2000)
Альма-матар	Нацыянальны даследчы ядзерны ўніверсітэт «МІФІ»

Біяграфія

Нарадзіўся ў Маскве. У 1959 годзе скончыў Маскоўскі інжынерна-фізічны інстытут. У 1963—1975 гадах працаваў у Інстытуце ядзернай энергетыкі Акадэміі навук БССР. У 1975—1983 гадах у Мінскім педагагічным інстытуце. З 1983 года зноў у Інстытуце ядзернай энергетыкі на пасадзе загадчыка аддзела. З 1992 года І. А. Савушкін у Інстытуце праблем энергетыкі НАН Беларусі на пасадзе загадчыка аддзела, з 1996 года — загадчыка лабараторыі.

Навуковая дзейнасць

Аўтар навуковых прац па фізіцы ядзерных рэактараў, ізатопных тэхналогіях, радыяцыйным маніторынгу і ахове навакольнага асяроддзя. Аўтар шэрагу патэнтаў.

Сярод апублікаванага:

• Прикладная ядерная физика: учебное пособие / А. К. Красин, Е. П. Петряев, И. А. Савушкин. — Мн.: МГПИ, 1980.
• Радиационно-химическая очистка сточных вод и выбросных газов / Е. П. Петряев, В. И. Власова, И. А. Савушкин. — Мн.: Университетское, 1985.
• Основы экологически чистой технологии получения технеция-99m. — Мн., 2000.

Літаратура

• Савушкін Ігар Аляксандравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 73. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Беларусь у асобах і падзеях: Савушкін Ігар Аляксандравіч // Нацыянальная бібліятэка Беларусі
• База патентов Беларуси (руск.)