Ігар Арленавіч Кашкурэвіч

Ігар Арленавіч Кашкурэвіч (нар. 5 чэрвеня 1957, Мінск) — беларускі мастак. Сын беларускага мастака Арлена Міхайлавіча Кашкурэвіча.

Ігар Арленавіч Кашкурэвіч
Дата нараджэння	5 чэрвеня 1957(1957-06-05) (67 гадоў)
Месца нараджэння	Мінск, БССР, СССР
Грамадзянства	Беларусь
Бацька	Арлен Міхайлавіч Кашкурэвіч
Род дзейнасці	мастак
Месца працы	Еўрапейскі гуманітарны ўніверсітэт
Вучоба	Мінскае мастацкае вучылішча імя А. К. Глебава (1976) Беларускі дзяржаўны тэатральна-мастацкі інстытут (1982)
Член у	Беларускі саюз мастакоў

Біяграфія

У 1972—1976 гадах вучыўся ў Мінскім мастацкім вучылішчы; у 1976—1982 гадах — у Беларускай дзяржаўнай акадэміі мастацтваў. З 1979 года працаваў у скульптуры з унікальнага скандынаўскага камення ледавіковага перыяду; у 1982—1987 гадах выкладаў мастацтва ў студыях Мінска; у 1984 годзе заснаваў нефармальную мастацкую суполку «Плюраліс»; з 1990 года — сябра Беларускага саюза мастакоў; у 1992—1998 гадах — дацэнт ЕГУ ў Мінску; у 1994 годзе — сузаснавальнік галерэі незалежнага мастацтва «№ 6-ая лінія»; з 1998 года жыве Мінск-Берлін; з 2001 года ўсталёўвае скульптуры з камення пад адкрытым небам у Берлінскім раёне «Груневальд»; 2004 года — удзельнік скульптупнага сімпозіўма «Окёверк» у Берліне; з 2005 года праводзіць воркшопы па разбярству з каменя ў Германіі; 2010 года — удзел у выставе «Беларускі авангард 1980—1990» у Музеі сучаснага мастацтва Беларусі.

Літаратура

• Беларускі саюз мастакоў : энцыклапедычны даведнік. — Мінск, 1998. — С.253
• Выяўленчае мастацтва Беларусі XX стагоддзя / М. Р. Баразна. — Мінск, 2017. — С.230-231