Ігнат Зіноўевіч Ізох

Ігнат Зіноўевіч Ізох (24 снежня 1906, Клічаў — 9 жніўня 1977) — адзін з кіраўнікоў партызанскага руху ў Магілёўскай вобласці.

Ігнат Зіноўевіч Ізох
Дата нараджэння	24 снежня 1906
Месца нараджэння	Клічаў
Дата смерці	9 жніўня 1977
Грамадзянства	СССР
Род войскаў	партызаны
Званне	падпалкоўнік
Камандаваў	2-я Клічаўская партызанская брыгада 277-ы партызанскі полк Клічаўская ваенна-аператыўная група
Бітвы/войны	Вялікая Айчынная вайна

Біяграфія

Член КПСС з 1930 года. У 1936 годзе скончыў Вышэйшую камуністычную сельскагаспадарчую школу Беларусі. З 1936 года на гаспадарчай і педагагічнай рабоце. У партызанах з ліпеня 1941 года: камандзір, камісар атрада, з лістапада 1942 года камісар, у снежні 1942 — маі 1943 гадоў камандзір 2-й Клічаўскай партызанскай брыгады, у верасні 1943 — маі 1944 гадоў камандзір 277-га партызанскага палка, адначасова ў ліпені 1943 — маі 1944 гадоў камандзір Клічаўскай ваенна-аператыўнай групы, член Клічаўскага РК КП(б)Б. З 1945 года на савецкай і гаспадарчай рабоце.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.