Ілукштанскі павет

Ілукштанскі павет (руск.: Иллукстский уезд, лат.: Ilūkstes apriņķis, ням.: Kreis Illuxt) — былая адміністрацыйная адзінка Курляндскай губерні (1819—1918), затым Латвійскай рэспублікі (1920—1940) і Латвійскай ССР (1940/1944-1949). Цэнтр — горад Ілукст (Ілукстэ).

Ілукштанскі павет
Краіна	Расійская імперыя
Уваходзіць у	Курляндская губерня
Адміністрацыйны цэнтр	Ілукст
Дата ўтварэння	1819
Дата скасавання	1949
Насельніцтва	66 461 (1 897)
Плошча	1952,3 вёрст²
Медыяфайлы на Вікісховішчы

Гісторыя

Павет створаны ў 1819 годзе ў выніку тэрытарыяльна-адміністрацыйнай рэформы. Да пачатку 1940 года Ілукштанскі павет займаў плошчу 2242,7 км², уключаў 3 гарады (Ілукстэ, Грыва, Субатэ) і 19 валасцей.

Насельніцтва

Паводле перапісу 1897 года насельніцтва павета складала 66 461 чалавек, у тым ліку ў Ілуксце — 3652 чал., у мястэчках Грыва — 5100 чал., Субат — 1200 жых.

Нацыянальны склад

Нацыянальны склад паводле перапісу 1897 года:

• латышы — 18 955 чал. (28,5 %),
• беларусы — 11 478 чал. (17,3 %),
• палякі — 11 380 чал. (17,1 %),
• рускія — 10 121 чал. (15,2 %),
• літоўцы — 6996 чал. (10,5 %),
• яўрэі — 6351 чал. (9,6 %),
• немцы — 1082 чал. (1,6 %),

Адміністрацыйны падзел

У 1913 годзе ў павеце было 17 валасцей:

Бевернская — пры маёнтку Кальтэнбрунен, Борнская — с. Каплау, Вітэнгейм-Сусейская — пры маёнтку Сусей, Гарсенская — пры маёнтку Гарсен, Дветэнская — пры маёнтку Дветэн, Дэменская — с. Таржок, Калкунская — пры маёнтку Калкуны, Курцумская — са. Хршчова, Ласенская — пры маёнтку Шэдэрн,

Проденская — пры маёнтку Балтэнзэ, Рубіненская — пры маёнтку Рубінен, Саланайская — с. Тартак, Свентэнская — пры маёнтку Свентэн, Скрудалінская — с. Скрудаліна, Шлосбергская — пры маёнтку Ілукст, Штэйнензейская — пры маёнтку Штэйнензэ, Эзернская — с. Бераўка.

Спасылкі

• Иллукст // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.