Інеса Ільінічна Лазюк

Інэса Ільінічна Лазюк (20 сакавіка 1928, Славечна, Ельскі раён, Гомельская вобласць) — беларускі рэнтгенолаг, кандыдат медыцынскіх навук, прафесар

Інеса Ільінічна Лазюк
Дата нараджэння	20 сакавіка 1928(1928-03-20) (96 гадоў)
Месца нараджэння	Славечна, Дабрынскі сельсавет, Ельскі раён, Беларусь
Грамадзянства	СССР  Беларусь
Род дзейнасці	вучоная
Навуковая сфера	рэнтгеналогія
Месца працы	ІПКіПКАЗ
Навуковая ступень	кандыдат медыцынскіх навук
Навуковае званне	прафесар
Альма-матар	лячэбны факультэт БДМУ (1950)

Біяграфія

Скончыла лячэбны факультэт Мінскага медыцынскага інстытута ў 1950 годзе. У 1965 годзе абараніла кандыдацкую дысертацыю на тэму «Аднамаментная двухбаковая бронхаграфія пад наркозам».

З 1966 года працавала асістэнтам кафедры рэнтгеналогіі БелДІУУ, якой загадвала прафесар Б. М. Сосіна. У 1980 годзе прысвоена званне дацэнта.

З 1979 па 1999 год загадвала кафедрай дзіцячай рэнтгеналогіі, з 1999 г. — прафесар кафедры дыягнастычных тэхналогій. Званне прафесара прысвоена без абароны доктарскай дысертацыі ў 1992 годзе па сукупнасці работ на тэму «Рэнтгенадыягностыка неадкладных станаў органаў грудной поласці прыроджанай і набытай этыялогіі».

З 2004 года І. І. Лазюк на адпачынку.

Навуковая і грамадская дзейнасць

Апублікавана 237 прац, з іх — 9 манаграфій у сааўтарстве. Пад кіраўніцтвам І. І. Лазюк выкананы 4 кандыдацкія дысертацыі. З 1970 года была старшынёй Гарадскога навуковага таварыства прамянёвых дыягностаў, намеснікам старшыні Рэспубліканскага навуковага таварыства.

Навуковая дзейнасць

Сярод апублікаваных прац:

• Рентгенодиагностика хронических неспецифических воспалительных заболеваний лёгких. // Диагностика хронических заболеваний лёгких. — Мн., 1971 (разам з Б. М. Сосінай-Ізраіцель, Л. А. Жакавай).

Літаратура

• Лазю́к Інеса Ільінічна // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 103. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• Лазюк Інеса Ільінічна на сайце анлайн-энцыклапедыі «Беларусь у асобах і падзеях»