Адна- і шматгадовыя, павойныя ці сцелістыя травы і кусты. Карэнішча клубнепадобна патоўшчанае. Парасткі некаторых відаў дасягаюць даўжыні да 18 м. Лісце чаргаванае, суцэльнае, часта апушанае валаскамі, якія надаюць яму шаўкавісты бляск. Плод — каробачка.
Адрозніваецца каля 500 відаў. Пашыраны пераважна ў тропіках. Культывуецца, найбольш каштоўны від — батат. На Беларусі вырошчваюць іпамею пурпуровую (Ipomoea purpurea) як дэкаратыўную расліну.
