Ісаак Юльевіч Бароўскі

Ісаак Юльевіч Баро́ўскі (18 лістапада 1921, Віцебск — 5 сакавіка 1991) — беларускі савецкі мастак.

Ісаак Юльевіч Бароўскі
Дата нараджэння	18 лістапада 1921(1921-11-18)
Месца нараджэння	Віцебск, Віцебская губерня, РСФСР
Дата смерці	5 сакавіка 1991(1991-03-05) (69 гадоў)
Месца смерці	Віцебск, Віцебская вобласць, БССР, СССР
Грамадзянства	СССР
Род дзейнасці	мастак
Жанр	партрэт, пейзаж і нацюрморт
Вучоба	Віцебскае народнае мастацкае вучылішча (1941)
Уплыў	Леў Маркавіч Лейтман[d], Уладзімір Якаўлевіч Хрусталёў і Аляксандр Пятровіч Мазалёў

Біяграфія

У 1936 годзе паступіў у Віцебскае мастацкае вучылішча, якой скончыў у 1941 г.. Вучыўся ў Л. Лейтмана, У. Хрусталёва, А. Мазалёва. Удзельнік Вялікай Айчыннай вайны. Пасля яе заканчэння жыў і працаваў у Новасібірску, самастойна навучаўся па праграме Акадэміі мастацтваў. У 1959—1962 гг. І. Ю. Бароўскі разам з мастакамі Новасібірска прымаў удзел у афармленні павільёна на ВДНГ у Маскве. З 1962 г. жыў у Віцебску. Член Беларускага саюза мастакоў з 1967 года.

Творчасць

Удзельнік мастацкіх выставак з 1962 года. Працаваў у станковым жывапісе ў жанрах партрэта, пейзажа, нацюрморта, а таксама ў графіцы.

Асноўныя творы: партрэты Ц. Тарасава, Ц. Каваленкі, В. Парахневіча, І. Сасновіка, Г. Шутава, Д. Райцава, Г. Нікалаевай, М. Каца, Ю. Пэна, В. Анішчанкі, М. Ждан, П. Клімкова, кампазіцыі «Маладая калгасніца», «Медсястра»; пейзажы «Пасля навальніцы», «Куток Віцебска», «Ля возера», «Ралля»; нацюрморты «Хлеб», «Астры».

Творы знаходзяцца ў Нацыянальным мастацкім музеі Беларусі, фондах Беларускага саюза мастакоў.

Літаратура

• Бароўскі Ісаак Юльевіч // Энцыклапедыя літаратуры і мастацтва Беларусі : у 5 т. / рэдкал.: І. П. Шамякін [і інш.]. — Мн., 1984. — Т. 1. — С. 299.
• Бароўскі Ісаак Юльевіч // Беларускі Саюз Мастакоў : энцыклапедычны даведнік / рэдкал.: Г. В. Буралкін [і інш.]; аўт.-склад. Б. А. Крэпак [і інш.]. — Мн., 1998. — С. 53-54.

Спасылкі

• Елена Алимова. Он был образцом интеллигентности. (руск.)