Іосіф Абрамовіч Збароўскі

Іосіф Абрамовіч Збароўскі (17 ліпеня 1936, Рагачоў, Гомельская вобласць — 2007, Мінск) — беларускі архітэктар.

Іосіф Абрамовіч Збароўскі
Дата нараджэння	17 ліпеня 1936(1936-07-17)
Месца нараджэння	Рагачоў, Рагачоўскі раён, БССР, СССР
Дата смерці	2007
Месца смерці	Мінск, Беларусь
Грамадзянства	Беларусь
Альма-матар	БПІ (1961)
Месца працы	Белдзяржпраект Белдзяржэкспертыза Мінбудархітэктуры[d]
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1961 годзе. Працаваў у Белдзяржпраекце, галоўным архітэктарам Барысава, з 1974 года — начальнік аддзела жыллёва-грамадзянскага будаўніцтва Упраўлення дзяржэкспертызы Дзяржбуда БССР, галоўны спецыяліст аддзела дзяржэкспертызы ў Белдзяржпраекце.

Член Саюза архітэктараў СССР з 1963 года. Пражываў у Мінску.

Памёр у 2007 годзе.

Творчасць

Творчыя акадэмічныя майстэрні жывапісу, графікі і скульптуры на вул. Някрасава, 3

Асноўныя працы (у аўтарскім калектыве): школа ў пасёлку Калодзішчы (1961), генплан Барысава (1964—1981), забудова Цэнтральнай плошчы (1964—1977), будынак гаркама і гарвыканкама (1965), мемарыяльны сквер (1967), будынак Дома сувязі (1973—1976), майстэрні Саюза мастакоў БССР па вул. Някрасава ў Мінску (1984).

Літаратура

• Зборовский Иосиф Абрамович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)