Аб’яднаная каманда

Аб’яднаная каманда — афіцыйная назва каманды, у якую ўваходзілі спартсмены дзяржаў — былых рэспублік СССР на зімовых і летніх Алімпійскіх і паралімпійскіх гульнях 1992 года, а таксама на афіцыйных міжнародных спаборніцтвах.

Аб’яднаная каманда выступала на гульнях пад Алімпійскіх сцягам, афіцыйнай абрэвіятурай каманды ў пратаколах спаборніцтваў былі літары EUN (ад фр. Équipe Unifiée — Аб’яднаная каманда). На зімовых гульнях на цырымоніях узнагароджання прадстаўнікоў Аб’яднанай каманды ўздымаўся Алімпійскі сцяг, у гонар перамог гучаў Алімпійскі гімн; на летніх гульнях цырымонія праводзілася аналагічна ў камандных спаборніцтвах, аднак на цырымоніях узнагароджання ў асабістых спаборніцтвах уздымаўся дзяржаўны сцяг краіны спартсмена, у гонар перамог гучаў гімн яго дзяржавы. У склад Аб’яднанай каманды на зімовых гульнях уваходзілі прадстаўнікі Арменіі, Беларусі, Казахстана, Расіі, Украіны і Узбекістана. Яны заваявалі 9 залатых, 6 сярэбраных і 8 бронзавых медалёў. Удзельнікамі Аб’яднанай каманды на летніх гульнях былі 12 дзяржаў былога СССР. Спартсмены Літвы, Латвіі і Эстоніі, што сфармавалі свае нацыянальныя зборныя, таксама маглі выступаць у складзе Аб’яднанай каманды — так, у складзе мужчынскай зборнай па баскетболе выступалі прадстаўнікі Латвіі. Спартсмены АК заваявалі 45 залатых, 38 сярэбраных і 29 бронзавых медалёў, заняўшы ў агульнакамандным заліку 1-е месца. У агульнакамандным заліку зімовых Гульняў 1992 спартсмены АК занялі 2-е месца. Неафіцыйна Аб’яднаная каманда часта называлася «зборнай СНД», што недакладна — Грузія ўвайшла ў склад СНД толькі ў 1993 годзе. Пасля заканчэння Гульняў у Барселоне каманда спыніла сваё існаванне; ўжо ў канцы 1992 года прадстаўнікі дзяржаў былога СССР выступалі самастойнымі камандамі.

Дзяржавы

*Удзел дзяржаў у Аб’яднанай камандзе*
Краіна	Абрэвіятура	Зімовыя Гульні	Летнія Гульні
Арменія	ARM	+	Усе 12 краін
Азербайджан	AZE	-
Беларусь	BLR	+
Грузія	GEO	-
Казахстан	KAZ	+
Кыргызстан	KGZ	-
Малдова	MDA	-
Расія	RUS	+
Таджыкістан	TJK	-
Туркменістан	TKM	-
Украіна	UKR	+
Узбекістан	UZB	+

Медалі

Медалі на Летніх гульнях 1992 года

Усяго	45	38	29	112
Гульні	Золата	Срэбра	Бронза	Усяго
1992 Барселона	45	38	29	112

Медалі на Зімовых гульнях 1992 года

Усяго	9	6	8	23
Гульні	Золата	Срэбра	Бронза	Усяго
1992 Альбервіль	9	6	8	23

Медалі па летніх відах спорту

Спорт	Золата	Срэбра	Бронза	Усяго
Спартыўная гімнастыка	9	5	4	18
Лёгкая атлетыка	7	11	3	21
Барацьба	6	5	5	16
Плаванне	6	3	1	10
Цяжкая атлетыка	5	4	0	9
Стральба	5	2	1	8
Дзюдо	2	0	2	4
Фехтаванне	1	2	2	5
Веславанне на байдарках і каноэ	1	1	0	2
Гандбол	1	0	1	2
Мастацкая гімнастыка	1	0	1	2
Баскетбол	1	0	0	1
Скачкі ў ваду	0	2	1	3
Бокс	0	1	1	2
Сучаснае пяцібор’е	0	1	1	2
Валейбол	0	1	0	1
Тэніс	0	0	2	2
Стральба з лука	0	0	2	2
Акадэмічнае веславанне	0	0	1	1
Воднае пола	0	0	1	1

Медалі па зімовых відах спорту

Спорт	Золата	Срэбра	Бронза	Усяго
Лыжныя гонкі	3	2	4	9
Фігурнае катанне	3	1	1	5
Біятлон	2	2	2	6
Хакей	1	0	0	1
Фрыстайл	0	1	0	1
Шорт-трэк	0	0	1	1