Абрам Хаімавіч Турэцкі

Абрам Хаімавіч Турэцкі (13 верасня 1905, Петрыкаў — 1 сакавіка 1975, Мінск) — беларускі матэматык.

Абрам Хаімавіч Турэцкі
Дата нараджэння	13 верасня 1905(1905-09-13)
Месца нараджэння	Петрыкаў, Мазырскі павет, Мінская губерня, Расійская імперыя
Дата смерці	1 сакавіка 1975(1975-03-01) (69 гадоў)
Месца смерці	Мінск, БССР, СССР
Грамадзянства	СССР
Род дзейнасці	матэматык
Навуковая сфера	матэматычны аналіз
Месца працы	Віцебскі дзяржаўны педагагічны інстытут Ульянаўскі дзяржаўны педагагічны інстытут імя І. М. Ульянава[d] БДУ
Навуковае званне	прафесар
Альма-матар	педагагічны факультэт БДУ (1929)

Біяграфія

Нарадзіўся ў сям’і настаўніка. Скончыў у 1929 годзе фізіка-матэматычнае аддзяленне педагагічнага факультэта БДУ, у 1935 годзе — аспірантуру пры АН СССР пад кіраўніцтвам акадэміка С. Н. Бернштэйна. Загадваў кафедрамі матэматыкі ў Віцебскім (у 1935—1941) і Ульянаўскім (1941—1944) педагагічных інстытутах. З 1944 года працаваў у БДУ. У 1958 годзе ён абараніў доктарскую дысертацыю, у 1961 узначаліў кафедру вышэйшай матэматыкі і матэматычнай фізікі, з 1968 па 1973 загадваў кафедрай тэорыі функцый і функцыянальнага аналізу. Прафесар (1963).

Літаратура

• Турэцкі Абрам Хаімавіч // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).