Абрам Хаімавіч Шкляр

Абрам Хаімавіч Шкляр (27 верасня 1910, Магільна, Уздзенскі раён, Мінская вобласць — 1 студзеня 1977, Мінск) — беларускі географ i кліматолаг. Доктар геаграфічных навук (1964), прафесар (1965).

Абрам Хаімавіч Шкляр
Дата нараджэння	27 верасня 1910(1910-09-27)
Месца нараджэння	Магільна, Магільнянская воласць[d], Ігуменскі павет, Мінская губерня, Расійская імперыя
Дата смерці	1 студзеня 1977(1977-01-01) (66 гадоў)
Месца смерці	Мінск, БССР, СССР
Род дзейнасці	географ, кліматолаг
Навуковая сфера	кліматалогія
Месца працы	БДУ
Навуковая ступень	доктар геаграфічных навук
Навуковае званне	прафесар
Альма-матар	Беларуская дзяржаўная сельскагаспадарчая акадэмія (1931)
Член у	Беларускае геаграфічнае таварыства

Біяграфічныя звесткі

Скончыў БСГА (1931) У 1940—1941 гг. і з 1946 г. выкладчык фізічнай геаграфіі БДУ, з 1974 г. загадчык кафедры ў Беларускім дзяржаўным універсітэце.

Навуковая дзейнасць

Навуковыя працы па сельскагаспадарчай кліматалогіі, феналогіі, ахове прыроды, фізічнай геаграфіі Беларусі, па меліярацыі Палесся. У аснову кліматычнага раянавання А. X. Шкляр паклаў сумы тэмператур паветра вышэй 10 °C і паказчыкі ўвільгатнення тэрыторыі (адносіны сумы ападкаў да выпаральнасці).

Аўтар дапаможнікаў па геаграфіі для вышэйшых навучальных устаноў Беларусі. Удзельнічаў у складанні Атласа БССР.

Выбраная бібліяграфія

• Прырода Беларусі: Фізіка-геагр. агляд / В. А. Дзяменцьеў, А. Х. Шкляр, В. П. Якушка. — Мн.: Дзярж. вуч.-пед. выд-ва М-ва асветы БССР, 1959. — 315 c.
• Атмосферный воздух и охрана его от загрязнений // Охрана природы, Мн., 1969. (разам з М. І. Касцюкевічам)
• Климатические ресурсы Белоруссии и использование их в сельском хозяйстве / А. Х. Шкляр. — Мн.: Вышэйшая школа, 1973. — 430 c.
• Календарь природы Белоруссии / А. Х. Шкляр. — Мн.: Вышэйшая школа, 1979. — 262, [2] с.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 428. — 10 000 экз. — ISBN 985-11-0035-8. — ISBN 985-11-0279-2 (т. 17).
• Шкляр Абрам Хаімавіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. — С. 379.

Спасылкі

• У прыроды няма дрэннай пагоды… Архівавана 4 сакавіка 2016. // Грамадска-палітычная газета Уздзенскага раёна «Чырвоная зорка»
• Бібліяграфія
• Электронны каталог бібліятэкі Беларускага тэхналагічнага ўніверсітэта Архівавана 16 верасня 2017.