Авіяўдар па бальніцы ў Кундузе
Авіяўдар па бальніцы ў Кундузе — паветраная атака ВПС ЗША па бальніцы арганізацыі «Урачы без межаў» у горадзе Кундуз (Афганістан) 3 кастрычніка 2015 года.
Перадгісторыя
правіцьУ канцы верасня 2015 года афганскі горад Кундуз быў захоплены баевікамі тэрарыстычнай арганізацыі Талібан. Неўзабаве Афганская нацыянальная армія, пры садзейнічанні амерыканскіх ваенных, разгарнула аперацыю па вызваленні Кундуза. Да 1 кастрычніка талібаў атрымалася выцесніць у раён Ходжа-Машхад, дзе паўстанцы аказалі рэгулярнай арміі моцны адпор. Для падаўленне супраціву баевікоў было вырашана выкарыстоўваць баявую авіяцыю[1].
Інцыдэнт
правіцьНа пачатак кастрычніка ў бальніцы арганізацыі «Урачы без межаў» знаходзіліся каля 200 чалавек, у тым ліку медыцынскі персанал[1].
3 кастрычніка, у 2:10 раніцы, амерыканскі самалёт AC-130, з-за памылак армейскага персаналу і збояў апаратуры[2], па памылцы разбамбаваў будынак бальніцы. Па першапачатковай інфармацыі ад РИА Новости, у выніку авіаналета загінулі тры супрацоўнікі арганізацыі, яшчэ больш за 30 прапалі без вестак[1]. Пазней агенцтвамі Лента.Ру і Reuters было паведамлена аб 42 забітых і 37 параненых[3][4].
Арганізацыя «Урачы без межаў» назвала авіяналёт ваенным злачынствам і запатрабавала міжнароднага незалежнага расследавання. Прэзідэнт ЗША Барак Абама асабіста папрасіў прабачэння па тэлефоне перад прэзідэнтам Афганістана Ашрафам Гані Ахмадзаем за здарэнне[5].
Расследаванне
правіцьМіністэрства абароны ЗША, НАТА і ўлады Афганістана пачалі расследаванне абставінаў авіяўдару па бальніцы[5].
29 красавіка 2016 года Міністэрства абароны ЗША па выніках расследавання наклала дысцыплінарныя спагнанні ў дачыненні да 16 амерыканскіх вайскоўцаў[5][3][6]. Аднак ні адзін з вінаватых ня быў прыцягнуты да крымінальнай адказнасці. Адзін з афіцэраў быў адхілены ад удзелу ў ваеннай аперацыі ў Афганістане. З іншымі праведзена індывідуальныя гутарка, былі вынесеныя вымовы, дваіх накіравалі на курсы павышэння кваліфікацыі[5].
Зноскі
- ↑ а б в Больница "Врачей без границ" в Афганистане разрушена при авианалете
- ↑ Пентагон: целью удара военных США в Кундузе был объект талибов
- ↑ а б США наказали 16 военных за бомбежку афганской больницы в 2015г | ГЛАВНЫЕ НОВОСТИ | Reuters Архівавана 2 кастрычніка 2016.
- ↑ Пентагон признал ошибкой бомбежку больницы в Афганистане : Конфликты: Мир: Lenta.ru
- ↑ а б в г СМИ: 16 военных США наказаны за авиаудар по больнице в Кундузе Архівавана 30 сакавіка 2019.
- ↑ Пентагон: за ошибочную атаку на госпиталь «Врачей без границ» наказан генерал США - Газета.Ru | Новости