Шульцава: Розніца паміж версіямі

▲'''Шульцава''' — вёска ў [[Акцябрскі сельсавет|Акцябрскім сельсавеце]]. У другой палове [[18 стагоддзе|XVIII ст.]] вядома як цэнтр маёнтка ў [[Віцебскае ваяводства|Віцебскім ваяводстве]] [[ВКЛ]].

▲Пасля 1-га падзелу Рэчы Паспалітай вёска ў [[Віцебскі павет|Віцебскім павеце]] [[Расійская імперыя|Расійскай імперыі]]. У [[1788]] г. маёнтак здадзены ў арэнду графу Мінхіну, які меў больш за 878 дзесяцін зямлі. Тут была саладоўня, лядоўня, у якой лёд захоўваўся круглы год. У гэты ж час у вёсцы была праваслаўная царква.

▲У [[1826]] г. маёнтак за 11 551 руб. Серабром быў прададзены стацкаму саветніку [[Віцебскі павет|Віцебскага павета]] Сцяпану Восіпаву. У [[1831]] г. у вёсцы і наваколлі лютавала эпідэмія халеры, у выніку якой памерла шмат людзей. У [[1834]] г. тут 145 рэвізскіх сялянскіх душ. Гаспадарка мела саладоўню, збожжазапасны магазін, з якога выдавалася збожжа па 4 гарцы на кожную рэвізскую сялянскую душу для пракорму сямей. У [[1846]] г. у складзе маёнтка 7 вёсак, 159 сялянскіх душ. Сяляне ў асноўным займаліся земляробствам, спалучаючы яго з адыходніцтвам — сплавам лесу і продажам дроў. Гаспадарскі сядзібны дом быў драўляны, на каменным падмурку, з мезанінамі на абодва бакі. Пры доме — драўляны двухпавярховы флігель, цагляная капліца, вялікі фруктовы сад. Дзве карчмы: адна на Бабініцкім, другая на Лёзненскім тракце. У [[1878]] г. маёнтак уласнасць памешчыка [[Ф.А.Альдэнберга]], які меў 550 дзесяцін зямлі, у [[1883]] г. маёнтак (11 двароў) — у [[Сялюцкая воласць|Сялюцкай воласці]] [[Віцебскага павета]].

▲З [[20 жніўня]] [[1924]] г. вёска ў Сялюцкім сельсавеце [[Віцебскі раён|Віцебскага раёна]] і акругі, з [[20 лютага]] [[1938]] г. Віцебскага раёна і вобласці. У [[1924]] г. сялянскія дзеці наведвалі школу ў вёсцы Абухава. У [[1926]] г. у вёсцы 39 двароў, 157 жыхароў. У [[1930]] г. арганізаваны калгас «Войкава», у якім працавала кузня. У [[1935]] г. у Шульцава пераселены жыхары населеннага пункта Цартылі, у [[1936]] г. — Уруб, у [[1939]] г. — паселішчаў Бусава, Гацішча, Шчарбіна.

▲У [[1941]] г. у вёсцы 80 двароў, 400 жыхароў. З ліпеня [[1941]] па чэрвень [[1944]] гг. Шульцава акупіравана нямецкімі войскамі. У кастрычніку [[1943]] г. нямецкія акупацыйныя ўлады знішчылі тут 79 двароў. За 1,2 км. на паўночны ўсход ад вёскі [[5 чэрвеня]] [[1944]] г. воіны 17-й гвардзейскай стралковай дывізіі і іншых часцей 39-й арміі штурама авалодалі вышынёй 222,9 і адкрылі шлях да вызвалення [[Віцебск]]а. З [[16 ліпеня]] [[1954]] г. вёска ў Акцябрскім сельсавеце. У [[1969]] г. тут 54 двары, 131 жыхар. У [[1976]] г. на вышыні 222,9 у гонар савецкіх воінаў пастаўлены мемарыяльны знак.

▲На [[1 студзеня]] [[2003]] г. 28 двароў, 51 жыхар. Вёска ў складзе камунальнага ўнітарнага сельгаспрадпрыемства «Сялюты».