Аляксандр Мікалаевіч Арлоў

Аляксандр Мікалаевіч Арлоў (1908, Віцебск - загінуў у нацысцкім канцлагеры, 1942) — беларускі скульптар.

Біяграфія

Скончыў Віцебскі мастацкі тэхнікум (1929). Член Віцебскага філіяла Аб'яднання моладзі Асацыяцыі мастакоў рэвалюцыі (1929—30). Удзельнічаў у скульптурным афармленні Дома ўрада (1933), Акруговага Дома афіцэраў (1935), Палаца піянераў (1936; усе ў Мінску), беларускага павільёна на Усесаюзнай сельскагаспадарчай выстаўцы ў Маскве (1939).

Асноўныя творы

• бюст М. Чарнышэўскага для Дома ўрада,
• бюст М. Фрунзэ і рэльефы розных відаў зброі для Акруговага Дома афіцэраў,
• гарэльеф “Жыццё піянераў” і інш.

Літаратура

• Арлоў Аляксандр Мікалаевіч // Беларуская энцыклапедыя : у 18 т. / рэдкал.: Г.П. Пашкоў [і інш.]. - Мн., 1996. - Т. 1. - С. 483.
• Арлоў Аляксандр Мікалаевіч // Памяць: гісторыка-дакументальная хроніка Віцебска : у 2 кн. / рэдкал.: Г.П. Пашкоў [і інш.] ; склад. А.І. Мацяюн ; маст. Э.Э. Жакевіч. - Мн., 2003. - Кн. 2. - С. 523.