'''«Полацак»''' — беларуска-амерыканскі культурна-асветны цэнтр у [[ЗША]]. Размешчаны ў ваколіцы Стронгсвіл каля [[Горад Кліўленд|г. Кліўленд]] ([[штат АгайоАгаё]]). Заснаваны ў [[1968]] г. па ініцыятыве і пры падтрымцы беларускіх грамадскіх дзеячаў у эміграцыі [[Сяргей Карніловіч|С. Карніловіча]] і [[К. Калошы]]. З'яўляецца месцам сходаў і вечарын грамадскасці, сусьрэч беларусаў Паўночнай Амерыкі, сямейных святкаванняў, мастацкіх выставак, спартыўных спаборніцтваў. Збірае і адпраўляе ў Беларусь гуманітарную дапамогу (у т.л. лекі) пацярпелым ад [[Чарнобыльская катастрофа|аварыі Чарнобыльскай АЭС (1986)]], прымае на лячэнне і аздараўленне беларускіх дзяцей з забруджанай зоны. На тэрыторыі цэнтра дзейнічае праваслаўная царква Жыровіцкай Божай Маці, будуецца новая царква. На ахвяраваныя цэнтрам сродкі набыта выдавецкае абсталяванне і ў 1991 — 1997 гг. выдаваўся часопіс [[Полацак (1991)|«Полацак»]]. Кіруючы орган — управа.
