Беларускі інстытут гаспадаркі і культуры: Розніца паміж версіямі

Дзейнасць БІГіК асабліва актывізавалася ў [[1931]]—[[1934]] гг., калі польскія ўлады ліквідавалі нацыянал-вызваленчыя арганізацыі [[Беларуская сялянска-работніцкая грамада|Беларускай сялянска-работніцкай грамады]] і «[["Змагання"]]», значна абмежавалі [[Таварыства беларускай школы]]. У [[1934]]—[[1935]] гг. БІГіК налічваў больш за 80 гурткоў, якія аб'ядноўвалі каля 1,2 тыс. членаў, пераважна каталіцкага веравызнання. Гурткі БІГіК дзейнічалі ў [[Віленскі павет|Віленскім]], [[Браслаўскі павет|Браслаўскім]], [[Дзісенскі пвает|Дзісенскім]], [[Вілейскі павет|Вілейскім]], [[Ашмянскі пвает|Ашмянскім]], [[Лідскі павет|Лідскім]] і [[Баранавіцкі пвает|Баранавіцкім]] паветах. БІГіК дзейнічаў пад кіраўніцтвам БХД, ператворанай у [[1934]] г. у Беларускае нацыянальнае аб'яднанне (БНА). У пачатку [[1936]] г. ва ўмовах узмацнення барацьбы за стварэнне антыфашысцкага народнага фронту па прапанове Галоўнай управы ТБШ (ініцыятыва ЦК КПЗБ) БІГіК выступіў супольна з ТБШ за адкрыццё беларускіх школ і ажыццяўленне іншых нацыянальных патрабаванняў. Аднак шырокага супрацоўніцтва гэтых арганізацый не адбылося. Забаронены польскімі ўладамі.