'''Іса''' — [[рака]] ў [[Баранавіцкі раён|Баранавіцкім]] і [[Слонімскі раён|Слонімскім]] раёнах, правы прыток [[Шчара|Шчары]] (бас. [[Нёман]]а).
Даўжыня 62 км. Плошча [[вадазбор]]у 554 км². Сярэднегадавы расход вады ў вусці 3,6 м³/с. Сярэдні нахіл воднай паверхні 1,1 %. Пачынаецца каля в. Серабрышча Баранавіцкага раёна, упадае ў Шчару ў межах [[Слонім]]а.
Асноўныя прытокі — [[Рака Пляхоўка|Пляхоўка]] і [[Рака Рудня, прыток Ісы|Рудня]]. Даліна трапецападобная. [[Пойма]] чаргуецца па берагах, месцамі адсутнічае, шырыня яе 100—180 м. Рэчышча ў верхнім і ніжнім цячэнні на працягу 15 км каналізаванае: ад вытоку давда в. Звераўшчына (11,6 км) і ад в. Харашэвічы да в. Нагуевічы (3,4 км). Яго шырыня ў межань 4—8 м. На рацэ каля Слоніма і в. Нагуевічы плаціны; каля Слоніма ў маляўнічай мясціне зона адпачынку «Іса».
