Спаржа

Спаржа, Аспарагус (Aspáragus) — род раслін сямейства спаржавыя; вядома да 100 відаў, рассеяных па ўсім свеце, пераважна ў сухім клімаце. Найбольш распаўсюджаны від Спаржа лекавая (Asparagus officinalis). Адны віды спаржы - травы, іншыя - паўхмызнякі, якія развіваюць падземнае карэнішча і надземнае больш ці менш галінастае сцябло, у шматлікіх відаў паўзучае. Верхнія часткі парасткаў спаржы (каля 20 см) выкарыстоўваюцца ў кулінарыі як дэлікатэс.