Vanilla Ninja: Розніца паміж версіямі
Новая старонка: '{{Музычны гурт | Назва = Vanilla Ninja | Фота = VanillaNinja.jpg | Час узьнікнення = 2002 | ...' |
(Няма розніцы)
|
Версія ад 23:21, 24 верасня 2012
Vanilla Ninja — эстонскі гурт, які складаецца з трох дзяўчат і грае музыку ў жанры поп-рок.
| Vanilla Ninja | |
|---|---|
 | |
| Асноўная інфармацыя | |
| Жанр | поп-рок |
| Краіны | |
| Адкуль | Эстонія |
| Мова песень | англійская |
| Лэйбл | TopTen/Estonia, Bros Records, EMI, Capitol, Broken Records International/Music for Export, Chile |
| Склад |
Лена Куўрмаа Катрын Сіска Пірэт Ярвіс |
| Былыя ўдзельнікі |
Маар'я Ківі Трыну Ківілаан |
| vanilla-ninja.de (ням.) | |
 Медыяфайлы на Вікісховішчы |
|
Узьнікненне
У жніўні 2002 году ў Таліне сустрэліся чатыры дзяўчынкі: Лена Куўрмаа, Пірэт Ярвіс, Катрын Сіска і Маар'я Ківі, якія вырашылі пачаць ствараць разам музыку. Лена і Маар’я былі сяброўкамі са школы. Яны наведвалі адную нямецкую гімназію ў Таліне і абедзьве меркавалі ў будучыні займацца музыкай. Катрын і Пірэт таксама навучаліся разам. Адна з найбольш буйных эстонскіх гуказапісваючых кампаніяў TopTen наважылася зрабіць гурт адметным на эстонскай сцэне. Яшчэ раней, падчас выступу на адным з конкурсаў, Лену прыкмеціў прадусар Свэн Лыхмус. Лена разам зь Пірэт грала на гітары, Катрын на піяніна. Гурт быў аформлены, і пачалася праца над першым альбомам. Пірэт і раней пісала словы да песьняў, калі яны меркавалі стварыць гурт разам з Катрын. Пазьней некаторая яе ранняя лірыка ўвайшла ў першы альбом. Першымі песьнямі, што былі запісаны ў верасьні 2002 году, былі «Purunematu» ды «Nagu rockstaar». Ужо ў кастрычніку 2002 году песьня «Nagu rockstaar» была дасланая на мясцовыя радыёстанцыі і тэлевізію. Спачатку новы стыль не сустрэў асаблівай прыхільнасьці сярод слухачоў. Дзякуючы дапамозе Свэна Vanilla Ninja запісалі песьню «Сlub Kung-Fu». З гэтай песьняй у сьнежні 2002 году яны бралі ўдзел у паўфінале эстонскага конкурсу на «Еўравізію». Тады журы не абрала іх. Зь дзесяці ўдзельнікаў яны сталіся восьмымі, але набралі найбольш галасоў ад гледачоў. Гэта сталася пачаткам папулярнасьці.
Першы дыск «Vanilla Ninja» быў выдадзены ў Эстоніі ў траўні 2003 году. 300 000 копіяў было прададзена ў Эстоніі. Таксама быў выдадзены сынгл «Сlub Kung-Fu». Найбольш вядомая зь першага альбому песьня — «Vanad Teksad ja Kitarr». Vanilla Ninja сталі вядомай гандлёвай маркай. Пад іх брэндам нават прадавалася марозіва. Тысячы дзяўчынак у Эстоніі пачалі капіяваць іх стыль апранання і прычоскі.
Эўрапейскі пэрыяд
Посьпех дзяўчат заўважыў нямецкі прадусар Дэвід Брэндэс з лэйблам Bros Music. У лістападзе 2003 году ён сустрэўся зь дзяўчатамі. Пасьля гэтага яны пераехалі ў Нямеччыну і распачалі сваю міжнародную кар’еру.
Vanilla Ninja запісалі песьню «Tough Enough» і відэа для яе. Пасьля трансьляцыі гэтай песьні ў СМІ гурт набыў шырокую папулярнасьць у Эўропе. У Нямеччыне «Tough Enough» заняла вельмі высокае 13-е месца ў чартах. Другім сынглам стаў «Don't Go Too Fast». Відэа таксама было зьнятае ў Бэрліне. Трэцім сынглам быў «Liar». Пасьля такога посьпеху дзяўчаты ўклалі кантракт з кампаніяй Bros Music і пачалі працу над альбомам «Traces of Sadness», які быў выдадзены ў траўні 2004 году. Апроч краін Цэнтральнае Эўропы дыск быў выдадзены і ў Японіі. Пасьля гэтага самая малодшая ўдзельніца гурта Маар’я Ківі пакінула гурт. Яна закахалася ў мэнэджэра гурта. Хутка зьявілася вестка, што Маар’я цяжарная. Такім чынам у 2004 годзе гурт застаўся без адной сяброўкі. Маар’я ажанілася і нарадзіла дачку. У далейшым яна працягнула сола-кар’еру.
Пірэт прапанавала ўзяць на месца Маар’і Трыну Ківілаан з Эстоніі, якая грала на бас-гітары і мела толькі 15 гадоў. Трыну была падобная на Маар’ю ня толькі прозьвішчам, але і зьнешнасьцю. Наступнай песьняй для сынглу была абрана «When the Indians Cry». Лена сьпявала словы Маар’і. Відэа здымалася на Мальёрцы. Пасьля вялікага посьпеху ў Нямеччыне (альбом «Traces of Sadness» заставаўся ў чартах на працягу 45 тыдняў) Vanilla Ninja пачалі працу над новым альбомам. У лістападзе 2004 году быў выдадзены сынгл «Blue Tattoo». Стыль Vanilla Ninja зьмяніўся, ён стаў цямнейшым і больш жорсткім. Пасьля Дэвід Брэндэс вырашыў, што новым сынглам будзе «I Know».
Новы альбом «Blue Tattoo» быў выдадзены 14 сакавіка 2005 году і стаў бэстсэлерам у Нямеччыне і Эстоніі. Таксама ён добра прадаваўся ў Швайцарыі і Польшчы.
Неўзабаве адбыўся скандал з Дэвідам Брэндэсам. Мэдыі абвінавачвалі яго ў тым, што ён хацеў узбагаціцца на гурце, сам скупляў дыскі гурта дзеля ўзьняцьця папулярнасьці. Гэта было даказана, і 11 красавіка гурт быў выкінуты з усіх чартаў спачатку на тры тыдні, а потым і на тры месяцы.
Удзел у Еўравізіі-2005
Нягледзячы на скандал, Швейцарыя прапанавала гурту удзельнічаць ад імя іхнай краіны ў конкурсе песьні Еўравізія-2005. Швайцарскія выканаўцы доўгі час не дасягалі посьпеху ў гэтым конкурсе. Vanilla Ninja пагадзілася, нягледзячы на тое, што некаторыя людзі як у Швайцарыі, гэтак і ў Эстоніі былі незадаволеныя гэтым. Праўда, гурт меў некаторае дачыненне да Швайцарыі, бо мэнэджэр Дэвід Брэндэс нарадзіўся ў гэтай краіне і навучаўся ў швайцарскай школе. Некаторай праблемай было і тое, што Трыну была непаўнагадовай. Праўда, і гэтая праблема была нарэшце вырашана пры непасрэдным намаганні швайцарскай публікі. У паўфінале швайцарскага конкурсу Vanilla Ninja набралі дастаткова галасоў, каб рэпрэзэнтаваць краіну ў Кіеве. У фінале конкурсу «Эўравізія-2005» Vanilla Ninja занялі восьмае месца, што было найвялікшым посьпехам для Швайцарыі з 1993 году. На гэтым конкурсе беларускія гледачы аддалі гурту 10 балаў з 12 магчымых.
Пасьля «Еўравізіі» пачалася праца над новым відэа «Cool Vibes». Першапачаткова меркавалася, што відэа будзе здымацца ў Афрыцы. Але з-за пэўных праблемаў кліп быў зьняты мэнэджарскай кампаніяй проста тэхнічным чынам без удзелу дзяўчат. Пасьля ТВ-прэм’еры распаўсюдзіліся чуткі аб плягіяце. Cынгл «Cool Vibes» быў выдадзены 12 чэрвеня 2005 году ў Швайцарыі. Гэты сынгл меў найбольшы посьпех па продажах у Швайцарыі з усіх ранейшых. У чартах ён заняў 17 месца. Сынгл ня быў выдадзены ў Нямеччыне з-за ранейшых махінацыяў Брэндэса. У траўні 2005 году ў інтэрвію Baltic Times гурт пачаў дыстанцыявацца ад назвы свайго жанру як поп-музыкі. Пірэт Ярвіс заявіла, што гурт пераходзіць да стварэння свайго адметнага стылю поп-рок, і што іхная музыка больш наблізілася да тыповага рок-жанру. Пасьля ўсіх скандалаў з мэнэджмэнтам Vanilla Ninja вырашылі пакінуць Брэндэса. Пасьля судовых спрэчак дзяўчаты пачалі новую супрацу са Stage Division і EMI Music. У сьнежні 2005 году Bros Music выдаў дзявяты сынгл «Megamix» разам з складанкай гітоў у альбоме «Best Of». Альбом і сынгл былі выдадзеныя без кансультацыяў з гуртом, і таму Пірэт Ярвіс заклікала не купляць альбом. Таму гэты альбом ня меў вялікага посьпеху і займаў ніжэйшыя пазыцыі ў чартах. На вокладцы дыска выкарыстоўваліся фотаздымкі з Маар’яй, нягледзячы на тое, што яна ўжо год як пакінула гурт.
Нечакана пакінуць гурт вырашыла Трыну. Яна тлумачыла гэта жаданнем атрымаць адукацыю і скончыць музычную школу. Надалей Vanilla Ninja вырашылі застацца трыё і не шукаць замену Трыну.
У сьнежні 2005 году адбыўся вялікі канцэрт ў Таліне, на якім былі рэпрэзэнтаваныя новыя песьні «Rockstars» і «Silence».
Нарэшце была скончаная праца над новым альбомам. 21 красавіка 2006 году сьвет пабачыў новы сынгл «Dangerzone». Альбом заняў 18 месца ў чартах Швайцарыі, 23 месца ў Аўстрыі. Такім чынам Vanilla Ninja працягвалі свой былы посьпех у Цэнтральнай Эўропе. Вельмі папулярным гурт быў і ў Эстоніі. У 2006 годзе Пірэт Ярвіс была абрана сэкс-сымбалем гэтай краіны па вэрсіі часопісу «Kroonika», у 2007 годзе гэты тытул набыла і Лена.
Неўзабаве распачаліся новыя праблемы з былым мэнэджмэнтам. Былы афіцыйны сайт гурта пачаў атаку на Vanilla Ninja, абвінававаючы іх у парушэнні кантракту. У Інтэрнэце ім была выстаўлена песьня «Dangerzone» для неліцэнзійнай пампоўкі, і Брэндэс абвінаваціў дзяўчат, што гэтак яны ўздымаюць сваю папулярнасьць (хаця раней ён сам быў заўважаны ў такім махлярстве). Нягледзячы на гэта, 19 траўня 2006 году быў выдадзены трэці альбом — «Love is War». Гэта быў самастойны альбом Vanilla Ninja.
Пасьля новага альбому гурт распачынае турнэ па Эўропе. Дзяўчаты заявілі, што іхнім месцам разьмяшчэння ня будзе зьяўляцца толькі Нямеччына. 1 верасьня яны бралі ўдзел у фэсце ў Польшчы. 8 верасня быў выдадзены сынгл «Rockstars». Сынгл ня быў вельмі папулярным і зь цяжкасьцямі прадаваўся. У 2007 годзе дзяўчаты выступалі для жаўнераў у Іраку і Кувэйце.
Eurolaul-2007
У сярэдзіне кастрычніка было заяўлена, што Лена пачала працу над песьняй для удзелу ў эстонскім конкурсе за ўдзел у «Еўравізіі» Eurolaul 2007. У паўфінале песьня «Birds of Peace» заняла 4-е месца, што не дазволіла гурту прайсьці ў фінал.
Лацінская Амэрыка
У 2008 годзе заснавальнік кампаніі Broken Records International Гэктар Фаўнэ прапанаваў Vanilla Ninja прыняць удзел у штогадовым Viña del Mar Festival, рэпрэзэнтуючы родную Эстонію. Гэты фэст ёсьць вялікай зьявай для Лацінскай Амэрыкі. Дзяўчаты выступалі на ім са сваёй балядай «Birds of Peace». Яны выйгралі «Залатую Чайку» — самую галоўную ўзнагароду на фэсьце — і 10 тысяч даляраў як найлепшыя выканаўцы. Такім чынам у Чылі іх напаткаў вялікі посьпех. У лютым 2009 году плянуецца вялікі тур «Rock Diva» па Лацінскай Амэрыцы.
Гандлёвая марка
Назва Vanilla Ninja была вынайдзеная ў 2002 годзе Пірэт Ярвіс і прадусарам Свэнам Лыхмусам. З 2006 году вяліся судовыя спрэчкі па пытаньні прыналежнасьці гэтай гандлёвай маркі. У студзені 2008 году дзякуючы Andres Aavik & Aleksander Ots правы на гандлёвую марку былі цалкам вернутыя гурту Vanilla Ninja.
Сучасны этап
Новы сынгл «Crashing Through the Doors» быў выдадзены ў 2008 годзе. Музыку для сынгла напісаў Пэр Гэсл з гурта «Roxette», а лірыку напісалі Лена і Пірэт.
У чэрвені 2008 году ў рамках «Restart Tour» адбыўся шэраг канцэртаў у буйнейшых гарадах Эстоніі.
У 2007—2008 гадах Vanilla Ninja не былі дастаткова актыўнымі. Дзяўчаты вырашылі зрабіць перапынак. Лена сканцэнтравалася на акторскім мастацтве, таксама яна працуе дыджэем на папулярным эстонскім радыё Sky Plus. Катрын займалася юрыдычнымі штудыямі ва ўнівэрсытэце, удзельнічала ў тэлешоў Navigare. Пірэт стала віджэем на MTV Baltic, а таксама музычным рэдакатарам часопіса Naised.
9 сьнежня 2008 году плянаваўся выступ гурта ў рамках сьвята «Дні Таліна» ў Маскве. Але з-за сьмерці патрыярха Алексія ІІ выступ быў адменены. Vanilla Ninja працягваюць працу над новым альбомам. Улетку 2009 году мусіць зьявіцца новы сынгл.
Дыскаграфія
- Усе выдадзеныя сынглы і іх пазыцыі ў чартах: Эстонія (EST), Нямеччына (GER), Аўстрыя (AUT), Швайцарыя (SWI), Польшча (POL), and Фінляндыя (FIN).
Альбомы
| Год | Назва | Пазыцыі ў чартах | Сэртыфікаты | ||||
|---|---|---|---|---|---|---|---|
| EST | GER | AUT | SWI | POL | |||
| 2003 | Vanilla Ninja
|
1 | / | / | / | / | Эстонія (Плятынавы альбом) |
| 2004 | Traces of Sadness
|
1 | 3 | 4 | 14 | 20 | Нямеччына (Залаты альбом) Аўстрыя (Залаты) Эстонія (Плятынавы) |
| 2005 | Blue Tattoo
|
1 | 4 | 7 | 4 | 13 | Эстонія (Плятынавы альбом) |
| 2005 | Best Of
|
/ | / | / | 70 | / | |
| 2006 | Love Is War
|
1 | 16 | 29 | 14 | 48 | Эстонія (Плятынавы альбом) |
| EST | GER | AUT | SWI | POL | |||
| Альбомы зь першым месцам у чартах | 4 | 0 | 0 | 0 | 0 | ||
| Альбомы, што ўваходзілі ў дзясятку лепшых у чартах | 4 | 2 | 2 | 1 | 0 | ||
Сынглы
| Год | Назва | Альбом | Пазыцыі ў чартах | |||||
|---|---|---|---|---|---|---|---|---|
| EST | GER | AUT | SWI | FIN | EUR | |||
| 2003 | Club Kung Fu | Vanilla Ninja | — | 95 | — | — | — | — |
| 2003 | Tough Enough | Traces of Sadness | 1 | 13 | 16 | 52 | 11 | 52 |
| 2004 | Don’t Go Too Fast | Traces of Sadness | 1 | 23 | 21 | — | — | 83 |
| 2004 | Liar | Traces of Sadness | 4 | 23 | 22 | 43 | — | 76 |
| 2004 | When the Indians Cry | Traces of Sadness | 1 | 8 | 7 | 27 | — | 35 |
| 2004 | Blue Tattoo | Blue Tattoo | — | 9 | 12 | 22 | — | 26 |
| 2005 | I Know | Blue Tattoo | 32 | 13 | 17 | 27 | — | 45 |
| 2005 | Cool Vibes | Blue Tattoo | 3 | 42 | 58 | 17 | — | 91 |
| 2005 | Megamix | Best Of | — | 79 | — | 66 | — | |
| 2006 | Dangerzone | Love Is War | 3 | 17 | 22 | 18 | — | 2 |
| 2006 | Rockstarz | Love Is War | 1 | 86 | — | — | — | — |
| 2007 | Insane in Vain (Выдадзены толькі для радыёстанцыяў Эстоніі) | Love Is War | 18 | — | — | — | — | — |
| 2008 | Birds of Peace | Love Is War (Лацінаамэрыканская вэрсія) | 3 | — | — | — | — | — |
| 2008 | Crashing Through The Doors | TBA | 3 | — | — | — | — | — |
| Гіты зь першым месцам у чартах | 4 | 0 | 0 | 0 | 0 | 0 | ||
| Гіты, што ўвахлдзілі ў дзясятку лепшых у чартах | 9 | 2 | 1 | 0 | 0 | 0 | ||
DVD
- 2004 — Traces of Sadness (Live in Estonia)
- 2005 — Best Of: The Video Collection
Галерэя
-
Лена Куўрмаа -
Пірэт Ярвіс -
Катрын Сіска -
Трыну Ківілаан
