Тапіры: Розніца паміж версіямі

'''Тапіры''' (''Tapirus'') — вялікія траваедныя [[жывёлы]] з [[Атрад, біялогія|атрада]] непарнакапытных, якія нагадваюць па форме [[свіння|свінню]], але маюць кароткі, прыстасаваны для хапання [[хобат]]ам.

Вядома 5 вымерлых і 1 сучасны [[Род, біялогія|род]], да якога адносяцца 4 віды: раўнінны тапір, горны тапір, цэнтральнаамерыканскі тапір, індыйскі, або [[чапрачны тапір]]. Пашыраны ў [[Цэнтральная Амерыка|Цэнтральнай]] і [[Паўднёвая Амерыка|Паўднёвай]] Амерыцы, [[Паўднёва-Усходняя Азія|Паўднёва-Усходняй Азіі]]. Жывуць у забалочаных лясах, хмызняковых зарасніках.

Даўжыня да 2 м, вышыня ў карку да 1,2 м, маса да 300 кг. [[Тулава]] масіўнае. Морда заканчваецца невялікім хабатком. [[Вока|Вочы]] маленькія. Ногі кароткія, тоўстыя, на пярэдніх па 4, на задніх па 3 пальцы. [[Скура]] тоўстая, з кароткімі цёмна-бурымі валасамі. Расліннаедныя, нараджаюць адно, зрэдку двух дзіцянят у сярэднім раз на 15 месяцаў.