[[Выява:Mała Bystra a1.jpg|thumb|У Высокіх Татрах]]
'''Заходнія Карпаты''' — найбольш высокая і шырокая частка горнай сістэмы [[Карпаты|Карпат]] на тэрыторыі [[Чэхія|Чэхіі]], [[Славакія|Славакіі]], [[Польшча|Польшчы]] і [[Венгрыя|Венгрыі]].
Даўжыня каля 400 км, шырыня больш за 200 км. Хрыбты і ізаляваныя масівы накіраваны з паўднёвага захаду на паўночны ўсход. На поўначы вылучаюць сярэдневышынныя хрыбты [[Заходнія Бяскіды|Заходніх Бяскідаў]], у цэнтральнай частцы — высока- і сярэднягорныя масівы [[Татры]] (найбольшая вышыня 2655 м, [[гара Герлахаўскі-Шціт]]), [[Нізкія Татры]], [[Вялікая Фатра]], на поўдні — сярэдневышынныя масівы з плоскімі вяршынямі Славацкіх Рудных гор, Шцяўніцкіх гор, Бюк, Матра і інш. Складзены пераважна з крышталічных парод і вапнякоў, на поўдні таксама і вулканічных парод. Мяшаныя і хваёвыя лясы, горныя лугі.
Тут размяшчаецца [[Татранскі нацыянальны парк]], запаведнікі, курорты, развіваецца турызм, зімовыя віды спорту.
