{{вызнч|1=Здудзіцкі каменны крыж}} – старадаўні [[культавы помнік]] з [[вёска Здудзічы|в. Здудзічы]] ([[Чыркавіцкі сельсавет]] [[Светлагорскі раён|Светлагорскага раёна]] [[Гомельская вобласць|Гомельскай вобласці]] [[Беларусь|Беларусі]]). Зроблены з [[граніт|гранітнага]] [[валун|валуна]].
У [[1993]] пры зборы краязнаўчых звестак для [[кніга|кнігі]] [["Памяць", шматтомнае серыйнае выданне|"Памяць"]] Светлагорскага [[раён|раёна]] была выяўлена [[група]] культавых помнікаў у Здудзічах: 2 [[курган|курганы]], валун, 2 [[камень з выявай|камяні з выявамі крыжа]], [[камень з надпісам]] (неразборлівы), 3 [[каменны крыж|каменныя крыжы]]. Найбольш старадаўні [[крыж]] быў укапаны ў зямлю на ўскрайку могілак, магчыма, на [[царковішча|царковішчы]]. Надземная частка крыжа акруглена і выветрана; падобны на [[Тураўскія крыжы]] [[12 ст.]]
У [[1997]] помнікі агледзіла [[Наталля Мікалаеўна Дубіцкая|Н. М. Дубіцкая]], [[старшы навуковы супрацоўнік]] [[аддзел|аддзела]] [[археалогія жалезнага веку|археалогіі жалезнага веку]] [[Інстытут гісторыі НАНБ|Інстытута гісторыі]] [[Нацыянальная Акадэмія навук Беларусі|Нацыянальнай Акадэміі навук Беларусі]], [[кандыдат гістарычных навук]] ([[горад Мінск|г. Мінск]]). Паводле меркавання Н. М. Дубіцкай, каменныя крыжы ў Здудзічах з’яўляюцца мясцовымі вырабамі і на могілках, верагодна, былі выкарыстаны другасна; найбольш старадаўні крыж можна аднесці да [[14 ст.]] (зыходзячы з [[час|часу]] замацавання [[хрысціянства]] ў гэтым [[край|краі]]).
Згодна [[рэкамендацыя|рэкамендацыі]] Н. М. Дубіцкай, у [[2004]] найбольш старадаўні крыж дзеля захавання быў перавезены ў [[Музей гісторыі горада Светлагорска|Музей гісторыі г. Светлагорска]]. З-за [[рэканструкцыя|рэканструкцыі]] [[музей|музея]] не экспанаваўся. У [[люты|лютым]] [[2008]] па прапанове [[іярэй|іярэя]] [[Дзмітрый Шылянок|Дзмітрыя Шылянка]], [[настаяцель|настаяцеля]] [[Парыцкая царква Марыі Магдаліны|храма Св. роўнаапостальнай Марыі Магдаліны]] ў [[Парычы|г.п. Парычы]] Светлагорскага р-на, быў перададзены гэтаму [[храм|храму]] (14 [[кіламетр|км]] ад Здудзіч). Усталяваны ў [[памяшканне|памяшканні]] храма, [[акафіст]] з нагоды ўсталявання адбыўся ў [[Даравальная нядзеля|Даравальную нядзелю]] [[9 сакавіка]] 2008.
[[Вышыня]] крыжа — каля 1,5 [[метр|м]]. Верхняя частка нагадвае [[трыліснік]]. На пярэдняй паверхні маюцца 2 вертыкальныя і 2 гарызантальныя рысы, якія былі нанесены, верагодна, для [[разметка|разметкі]] пры апрацоўцы валуна. У надземнай частцы ўнізе адзін бок больш масіўны. Магчыма, гэта было зроблена з мэтаю надання крыжу ўстойлівасці на [[адхіл|адхіле]] [[бераг|берага]] ці [[ўзвышша]].
